ანალიტიკოსის, ლექტორის არჩილ გამზარდიას მოსაზრებები და წინადადებები, თუ რა ეტაპები უნდა გაევლო განათლების რეფორმას და მიანიშნებს ამჟამად მიმდინარე პროცესის მძიმე მოლოდინებზე:
“განათლების რეფორმა უნდა დაწყებულიყო სასკოლო განათლებით, გაგრძელებულიყო საკოლეჯო განათლების რეფორმით და შემდეგ უკვე საუნივერსიტეტო მიმართულებით.
ფუნდამენტური განათლების ფუნქცია არ არის მიმდინარე შრომის ბაზრის დაკმაყოფილება, არამედ ეს არის პერსპექტივაზე, ტენდენციაზე მზაობის შექმნა. მაგალითად, რამდენიმე წლის წინ შრომის ბაზრის კვლევა ხელოვნური ინტელექტის მიმართულებით ვერც ერთ სპეციალიზაციაზე ვერ აჩვენებდა მოთხოვნას, თუმცა შრომის ბაზრის მოთხოვნები სწრაფად ცვლადია.
სწავლა არ ხდება სახელმწიფო უნივერსიტეტებში უფასო, არამედ გრანტების გაუქმებით უქმდება სახელმწიფოს თანადგომა 25, 50 და 75 %-იანი დაფინანსებებით.
რეფორმის შედეგად, სავარაუდოდ, თსუ-ს გარდა, დაკარგავენ არსებული უნივერსიტეტები უნივერსიტეტ(ებ)ის სტატუსსაც და ალბათ გადაკეთდებიან კვლავ ინსტიტუტებად“, – წერს არჩილ გამზარდია სოციალურ ქსელში.
