ვრცელდება ინფორმაცია, რომ 4 ოქტომბრის საქმეზე დაკავებულებს პროკურატურა საპროცესო შეთანხმებას სთავაზობს. აღნიშნულთან დაკავშირებით თავის პოზიციას აფიქსირებს ჟურნალისტი, საავტორო გადაცემის წამყვანი ნანუკა ჟორჟოლიანი:
“ამბობენ რომ პროკურატურა საპროცესოს სთავაზობს 4 ოქტომბერს დაკავებულ ადამიანებს.
ეს ხალხი უკიდურესმა სიღატაკემ და პირადმა ტრაგედიებმა გაიყვანა გარეთ. ძააალიან მძიმეა მათი რეალობა.
დაკავებულებში არიან ონკო პაციენტები. ერთმა მხედველობა დაკარგა, ერთს უმძიმესი დიაბეტი აქვს. აღარაფერს ვამბობ ორ ოჯახზე, შვილები რომ მძიმე სენს ებრძვიან.
ამ ყველაფრის გათვალისწინებით მინდა იცოდნენ ჩემი, ერთი მოქალაქის აზრი: გააფორმეთ საპროცესო გარიგებები. ამას არავინ ჩაგითვლით ბრძოლის ღალატში. პირიქით, მე მგონია რომ ნებისმიერი შესაძლებლობა უნდა გამოიყენოთ რომ ციხე დატოვოთ.
მადლობა თქვენი ბრძოლისთვის და თქვენი გამოსვლა ახლა ყველაზე ძალიან გაგვახარებს“, – წერს ნანუკა ჟორჟოლიანი ფეისბუქის პირად გვერდზე.
