,,სტრატეგია აღმაშენებლის” ლიდერი, გიორგი ვაშაძე ჟურნალისტებთან კომენტარში კონკრეტულ შეფასებებს და განმარტებებს აკეთებს მის მიმართ წარმოებული ახალი საქმის შესახებ და აცხადებს, რომ მასთან დაკავშირებით პროკურატურას ფაქტიურად არანაირი მტკიცებულება არ გააჩნია:
,,ჩემზე არაფერი არ არის!
სინამდვილეში რა ხდება ქვეყანაში: ჩვენ ვიბრძვით სამართლიანობისთვის, გვჯერა, რომ საქართველოს ადგილი არის ევროკავშირში, ქვეყანაში გვინდა დემოკრატია, ნორმალური განვითარება, განვითარებულ ქვეყნებს შორის რომ ვიყოთ.
ეს საქმე რაზეა იცით, რომ ჩვენ გავაჩეროთ ეს ბრძოლა, რომ ჩვენ უარი ვთქვათ სამართლიანობისთვის ბრძოლაზე, უარი ვთქვათ საქართველოს ევროკავშირში ინტეგრაციაზე, რომ ჩვენ გავჩუმდეთ.
ჩემი სახელი და გვარი, ცარიელი ფურცელი და 15 წელი არის ამ საქმეში, მეტი არაფერია ჩადებული.
პროკურორი, რომ დადგება ჰკითხეთ, აი კონკრეტულად ჩემზე – რა დევს საქმეში, თუნდაც ორი მტკიცებულება დაასახელოს.
რომ ამბობენ, მოსმენები, ჩანაწერები – ერთი მაინც მოიტანოს ჩემი მოსმენა, ან აუდიო ჩანაწერი, ან რამე, არც შეხვედრები არ დევს ჩემი. მოწმეებიც კი არ ჰყავთ, 15 წლიან მუხლზე მოწმე არ არსებობს, არავინ არ ჰყავთ.
უბრალოდ არის ცარიელი ფურცელი და გვეუბნებიან, რომ შეწყვიტეთ ბრძოლა სამართლიანობისთვის, შეწყვიტეთ ბრძოლა საქართველოს ევროკავშირში გაწევრიანებისთვის, უარი თქვით საქართველოს დემოკრატიულ განვითარებაზე, ჩვენ ამის გვჯერა, გვწამს და ამიტომ ვართ პოლიტიკაში.
აი ესაა მთელი ამ საქმის შინაარსი”, – განაცხადა გიორგი ვაშაძემ.
ავტორი
მარიამ ხაჩირაშვილი
