პოლიტიკური ორგანიზაცია “ლელოს” თავმჯდომარე ფიქრობს, რომ ხელისუფლება დაინტერესებულია მოსახლეობის გაღარიბებაში. მამუკა ხაზარაძეს მიაჩნია, რომ “ოცნების” ოცნება არის ბევრი ღარიბი ადამიანი ქვეყანაში:
“ჩვენს სახელმწიფოში ,,ოცნებამ” დაამკვიდრა სიღარიბის მენტალიტეტი.
ადამიანს ეუბნებიან, რომ შენ არ განვითარდე. როგორც კი თუნდაც ოთხ სულიან ოჯახზე 200 ლარზე ოდნავ მეტს მიიღებ, მე შენ იმ ორას ლარსაც წაგართმევ.
ეს რა მენტალიტეტია, ეს რა პოლიტიკაა. დაეხმარე იმ შვილებიან ადამიანს და უთხარი, რომ მოგცემ 2-3 წელიწადს, სანამ ფეხზე დადგები და სანამ შენი ოჯახის შემოსავალი არ გახდება 1000-1500 ლარი.
დიდი თემაა, მაგრამ სახელი აქვს მოკლე – რომ საქართველო უნდა იყოს სიღარიბეში. ეს არის ,,ოცნების” ოცნება, რომ იყოს ბევრი ღარიბი ამ ქვეყანაში და თუ ვიღაცა ფეხზე წამოდგომაში ვიღაცას დაეხმარება, იმ წუთშივე იმ კაპიკებსაც უხსნიან,” – აცხადებს მამუკა ხაზარაძე.
