“ალბათ ისევ დავიკეტებით” – პანდემიით გამოწვეული კრიზისული სიტუაცია ქუთაისში

კორონავირუსის პრევენციის მიზნით გატარებულმა ღონისძებებმა ბიზნეს სექტორზე განსაკუთრებულად ნეგატიურად იმოქმედა.

რა გავლენა იქონია პანდემიამ მცირე და კერძო ბიზნესზე იმერეთში? ამ საკითზე ერთ-ერთი წარმატებული ბიზნესის, შპს „გოშა“-ს მენეჯერს, ფრიდონ აბაზაძეს ვესაუბრეთ. აღნიშნულ ბიზნესს მომხმარებელი „ბიკენტიას საქაბაბის“ სახელით იცნობს, რომელიც სხვა ტრადიციულ კერძებთან ერთად საფირმო ქაბაბს და საწებელს სთავზობს მომხმარებელს და ადგილობრივ ბაზარზე საკმაოდ მოთხოვნადია.

მენეჯერმა ჩვენთან საუბარში აღნიშნა, რომ პანდემიის გამოცხადების შემდეგ ბიზნესი სრულ წაგებაში წავიდა და 2-თვიანმა კრიზისმა ძალიან დააზარალა:

„პანდემიის დაწყების შემდეგ საქაბაბე მალევე დავკეტეთ. რამდენიმე დღეა, რაც სატესტო რეჟიმში გავიხსენით და შეკვეთებს ვიღებთ, მაგრამ რადგან მიტანის სერვისი არ გვაქვს, ამ ხერხმაც არ გაამართლა და ალბათ ისევ დავიკეტებით.

13 ადამიანი გვყავდა დასაქმებული, ახლა კი მხოლოდ 2 თანამშრომელი მუშაობს. შემოსავალმა მოიკლო და თანამშრომლებიც თავისთვად უმუშევრები დარჩნენ,“ – ამბობს ფრიდონ აბაზაძე.

შეგახსენებთ, ქუთაისის ცნობილი ,,ბიკენტიას საქაბაბე” უკვე 65 წელია, რაც ქართულ ბაზარზე სტაბილურად არსებობს.

ავტორი
ლიკა დევდარიანი
სააგენტო “პარალელის”
რეგიონალური კორესპონდენტი