ეუთოს ფარგლებში 24-მა სახელმწიფომ საქართველოსთან მიმართებით “მოსკოვის მექანიზმი” აამოქმედეს. ფაქტს კონკრეტული პოზიცია-შეფასებებით ეხმაურება ლიდერ ქალთა კლუბის ვიცე-პრეზიდენტი, ჟურნალისტი და პიარტექნოლოგი ლალი მოროშკინა:
“ე.წ. “მოსკოვის მექანიზმით” რომ უფრო გვახუტებენ მოსკოვს ხომ ხვდებიან?
ანუ, ევროპა ხისტად გსჯის იმიტომ, რომ კარგი ხარ; რომ ლგბტ არ მიიღე; რომ ბავშვების სქესის გადაკეთებაზე უარი თქვი; რომ ეკლესია არ უარყავი; რომ საკუთარ ფესვებს პატივს სცემ.
მოსკოვი გაძლევს იაფ დენს, წყალს, გაზს, პურს, შაქარს, წიწიბურას, ზეთს, კარაქს, მედიკამენტებს, ინახავს მილიონ ორასი ათას ქართველს, გაძლევს უფასო სწავლების საშუალებას და არ ითხოვს შენს გაროზგვას.
დაკარგული ტერიტორიებიო – მკითხავთ.
დიახ, წაქეზებით და უგუნურობით დავკარგეთ, ევროპამ მხოლოდ იხეირა შუამავლის როლით და სანტიმეტრი არ დაგვიბრუნა.
ახლა დროა პასუხის, დროა მოლაპარაკების და დროა ევროპელებისთვის სიმართლის თქმის.
მედალს ორი მხარე აქვს.
დაე, ვაქციოთ ევროპული სადამსჯელო აქტი “მოსკოვის მექანიზმი”- მოსკოვთან რეალურ მოლაპარაკებად და დავიბრუნოთ სამშობლო!” – წერს ფეისბუქის პირად გვერდზე ლალი მოროშკინა.
ინფორმაციისთვის: “მოსკოვის მექანიზმი” ადამიანის უფლებათა დაცვის ერთგვარი ინსტრუმენტია, რომელიც მასში მონაწილე სახელმწიფოებს საშუალებას აძლევს, ეუთოს რეგიონში ადამიანური განზომილების კუთხით არსებული მნიშვნელოვანი გადაუდებელი და რთული დარღვევების გამოსაძიებლად დამოუკიდებელი, სპეციალური საექსპერტო მისიები ჩამოაყალიბონ. “მოსკოვის მექანიზმი” 1991 წელს შეიქმნა.
