“ერთპარტიულმა პარლამენტმა ინდივიდუალურ მეწარმეს პოლიტიკური აზრის გამოხატვისთვის სანქციას უწესებენ” – ხატია დეკანოიძე

მმართველი პარტიის მიერ მომზადებულ ახალ საკანონმდებლო ინიციატივას ეხმაურება “ნაციონალური მოძრაობის” ერთ-ერთი ლიდერი, ხატია დეკანოიძე:

“ერთპარტიულმა პარლამენტმა, სადაც ათეულობით მილიონერი და უმდიდრესი ადამიანები სხედან – ინდივიდუალურ მეწარმეს პოლიტიკური აზრის გამოხატვისთვის სანქციას უწესებენ.

ანუ, მხოლოდ თვითონ უნდა ილაპარაკონ ივანიშვილის ტყუილები, აკეთონ ფული, ბიუჯეტის ხარჯზე იცხოვრონ, მილიონებიან სახლები აიშენონ, 12 ათასი ლარი ხელფასიც აიღონ. სხვა ყველას – პატიმრობა ან ჯარიმა.

არ ეყოთ ფულის კეთება ხალხის ხარჯზე. რაღაც არ მიდის ისე, როგორც ჩაიფიქრეს, აშკარად.

ივანიშვილს პარანოია გამძაფრებია…“, – წერს ხატია დეკანოიძე სოციალურ ქსელში.