🦌 ნიამორის მასიური რქები მისი ცხოვრების გზასა და გადატანილ ორთაბრძოლებზე ყველაზე სანდო ინფორმაციას გვაწვდის – ველური ბუნების ეროვნული სააგენტო

ველური ბუნების ეროვნული სააგენტოს საინტერესო ინფორმაცია საქართველოს ფაუნის წარმომადგენელ – ნიამორთან დაკავშირებით:

🦌 ნიამორის მასიური რქები მისი ცხოვრების გზასა და გადატანილ ორთაბრძოლებზე ყველაზე სანდო ინფორმაციას გვაწვდის.

გარეული თხები რქებს არამცთუ სეზონურად არ იცვლიან, არამედ თითოეული წრიული ღარი რქაზე სიცოცხლის ერთ წელს ასახავს.

იერარქიულ ორთაბრძოლებში სწორედ ხმლისებრად უკან გადაზნექილი რქებია მამრი ნიამორების მთავარი იარაღიც და ფარიც. ველური თხები ერთმანეთს მთელი ძალით ეჯახებიან, რქის მოხრილი ფორმა დარტყმის ძალას მკვეთრად ამცირებს, რაც ამ ორთაბრძოლებს არა სამკვდრო-სასიცოცხლოს, არამედ რიტუალურს ხდის.