ჩვენი მთავარი მოკავშირეების, აშშ-ს და ევროკავშირის განცხადების სამი მთავარი გზავნილი – ნიკა გვარამია

საარჩევნო სისტემაზე მიღწეული შეთანხმების ხელახალი ინტერპრეტაციის თემას და ამ საკითხზე მხარეებს შორის დიალოგის ფასილიტატორების განცხადებას ეხმიანება ტელეკომპანია “მთავარის” გენერალური დირექტორი, ნიკა გვარამია:

“ჩვენი მთავარი მოკავშირეების – აშშ-ს და ევროკავშირის განცხადების სამი მთავარი გზავნილი:

– დოკუმენტის სტატუსი – ორი მთავარი დიპლომატიური წარმომადგენლობის საერთო განცხადება (joint statement), ანუ უმაღლესი დიპლომატიური ძალის დოკუმენტი;

– მთავრობის უპრეცედენტო არაკომპეტენტურობა და თავხედობა – “ჩვენი როლი არ გულისხმობს განხილვების შინაარსის გასაჯაროებას ან შეთანხმების განმარტებას” (როგორ ბედავთ და გვთხოვთ (ა) დახურული პროცესის გასაჯაროებას და (ბ) გვაკისრებთ განმარტების ვალდებულებას);

– საქართველოს ჰყავს პოლიტპატიმრები – “შეთანხმება შედგება ორი ნაწილისგან: ერთი ფოკუსირებულია სააჩევნო სისტემაზე, მეორე კი ყურადღებას ამახვილებს იმ საკითხების გადაჭრაზე, რაც სასამართლო სისტემაში პოლიტიკურ ჩარევას ჰგავს” (მეორე ნაწილში მოცემული “ვორდინგი” დიპლომატიურ ენაზე გაცილებით უფრო სწორხაზოვანია და პირდაპირ უდრის პოლიტიკურად მოტივირებულ მართლმსაჯულებას),” – წერს ფეისბუქის პირად გვერდზე ნიკა გვარამია.