კონკრეტულ ფაქტებზე აკეთებს მინიშნებას ჟურნალისტი მერაბ მეტრეველი და ერთგვარ პარალელს ავლებს ირაკლი ღარიბაშვილისა და მმართველი პარტიის სხვა წევრებთან მიმართებაში:
“ესე იგი, ქოცებს, როგორც ჩინიანებს, ისე უჩინოებს, ღარიბაშვილის თემაზე ერთი მესიჯი აქვთ: ქვეყანას და საერთო საქმეს ვინც უღალტებს, ყველას პასუხი უნდა მოეთხოვოსო.
რაში გამოიხატა ღარიბაშვილის ღალატი ოფიციალური ბრალდების თანახმად?
მას თურმე დაუწყია ბიზნესი (ღვინის ქარხანა გაუკეთებია) და ეს ბიზნესი მამის სახელზე გაუფორმებია, შესაბამისად იქედან მიღებული შემოსავალი დეკლარაციაში არ აუსახავს.
ეს დაუკვალიფიცირეს, როგორც უკანონო შემოსავლის ლეგალიზება ანუ ფულის გათეთრების ბრალი წაუყენეს, რაც იმდენად მძიმე მუხლია, რომ საპროცესო გარიგების შემდეგაც კი, 5 წელი განესაზღვრა პატიმრობა.
შემოსავლების დამალვა, კანონით, რა თქმა უნდა, დანაშაულია, მაგრამ თქვენც ხომ კარგად იცით, რომ პარლამენტი და არა მხოლოდ პარლამენტი სავსეა საპატიო გვამებით, ვისაც ბიზნესები ოჯახის წევრებზე აქვთ გადაფორმებული, რადგან კანონი თანამდებობის პირს ბიზნესის წარმოებას უკრძალავს.
ამ ლოგიკით გამოდის, რომ ნახევარი პარლამენტი და მთავრობა დასაჭერია იგივე ბრალდებით. სხვებს რატომ არ იჭერენ? ეს ხომ არის ორმაგი სტანდარტი და შერჩევეითი სამრთალი?
მაგრამ ქოცებში კაცი არ მოიძებნება, ვინც ამაზე ხმას ამოიღებს. ისინი მარტო დარიგებულ მესიჯებს იმეორებენ.
მაგრამ აქ ყველაზე საინტერესო ისაა, რომ ამას არც თავად ღარიბაშვილი აპროტესტებს.🙂
როგორც ჩანს, ღარიბაშვილს სხვა ისეთი დანაშაულები ამოუქექეს, რომ ეს ყველაზე მსუბუქი ბრალი იყო. ბიძინამ მას, როგორც ყოფილ მონას, შეღავათი გაუწია და ყველაზე მსუბუქი ბრალი წაუყენა. იმანაც ალბათ მადლობა გადაუხადა და ასე წავიდა ციხეში.
ტაში ბიძინას სამრთლს!” – წერს მერაბ მეტრეველი სოციალურ ქსელში.
