საქართველოს მე-3 პრეზიდენტი მიხეილ სააკაშვილი, პროკურატურის მიერ მთავრობის ყოფილი მეთაურ, ირაკლი ღარიბაშვილთან გაფორმებულ საპროცესო შეთანხმებას ეხმაურება და კონკრეტულ ვარაუდებს გამოთქვამს:
“დააკვირდით რა სასაცილო “იურიდიულ” მანიპულაციასთან გვაქვს საქმე.
ღარიბაშვილის მითვისებული 6 მილიონი დოლარის აღმოჩენის შემდეგ (ასი მაგდენი გადამალული აქვს) 5 წლით დააპატიმრეს და თქვეს, რომ ეს არაა სამოხელეო დანაშაული.
ხოლო მე ქილერ ფარცხალაძის წაყენებული ბრალით არა მითვისების, არამედ ვითომ გაფლანგვის საქმეზე 9 წელი მომისაჯეს. ეს განსხვავება იმიტომ დააფიქსირეს, რომ ღარიბაშვილის ამნისტიაში ემანდ შემთხვევით მეც არ მოვყვე, ესაა და ეს!
რა თქმა უნდა, ბევრ “ობიექტურ დამკვირვებელს” ეს დეტალი შეუმჩნეველი დარჩებათ, იმიტომ რომ უჭირთ იმის აღიარება, რომ ივანიშვილისთვის ძალიან ბევრი რამე ჩემს გარშემო ტრიალებს და ის ყველაზე მეტად ჩემში ხედავს კრიმინალური მმართველობის დასრულების და ამოძირკვის საფრთხეს. ამითაცაა განპირობებული ჩემს გვერდზე ტროლ-ბოტების შემოსევა და ახალ-ახალი ბრალდებები“, – აცხადებს მიხეილ სააკაშვილი.
