აფხაზეთის უზენაესი საბჭოს ყოფილი თავჯდომარის, თამაზ ნადარეიშვილის შვილი, თავდაცვის ყოფილი მინისტრის, ბაჩო ახალაიას მეუღლე ანი ნადარეიშვილი ეხმაურება მასთან მიმართებაში პროკურორის კონკრეტულ განმარტებებს, სადაც აღნიშნულია, რომ აქვს ბრალდებულის სტატუსი. ამასთან დაკავშირებით ანი ნადარეიშვილმა 8 იანვარს პროკურატურაში განცხადება შეიტანა, სადაც ითხოვს მისი სამართლებრივი სტატუსის ოფიციალურად განსაზღვრას:
“ეს ტერორისტები ისევ ვაჭრობენ ბაჩოსთან ჩემი თავისუფლებით.
ჩვეულებრივი ფსიქოლოგიური ზეწოლა მიმდინარეობს, ამათ ყველა თავისნაირი ჩმორი ჰგონია.
დღეს (ვინაიდან დღემდე საახალწლო საცივში ქონდათ თავი და პროკურატურას დიდი ბოქლომი ედო) ოფიციალურად შევიტანე პროკურატურაში განცხადება სადაც ვითხოვ ჩემს სამართლებრივ სტატუსს, ამ პროკურორმა – თამარ ბეჟუაშვილმა რაც იბლუყუნა, მაინტერესებს იმას ფურცელზე როგორ გადმოიტანენ და რომელ კანონს და მუხლს მიუთითებენ.
საქართველოს სისხლის სამართლის საპროცესო კოდექსის მიხედვით: ბრალდებული არის პირი, რომლის მიმართაც გამოტანილია დადგენილება ბრალდების შესახებ და მას ოფიციალურად წარედგინა ბრალდება.
სანამ ეს დადგენილება არ არსებობს — ბრალდებულის სტატუსი არ არსებობს!!!” – წერს ანი ნადარეშვილი სოციალურ ქსელში.
