საქართველოს მე-3 პრეზიდენტი, მიხეილ სააკაშვილი პოლიტიკურ შეფასებებს აკეთებს “ქართული ოცნების” საგამოძიებო კომისიასა და მის თავმჯდომარესთან, თეა წულუკიანთან მიმართებაში:

“თვითონ ოლიგარქიული დიქტატურის მსახურთა უმრავლესობისთვის უკვე აშკარაა თუ რამხელა კრახით შეუბრუნდათ მათი ე.წ. კომისია. საქმე იმაშია, რომ თუკი აქამდე არ იყო, ახლა საბოლოოდ ყველასთვის ნათელი გახდა რეჟიმის არსი.

ამ “კომისიის” უკან არამხოლოდ ძალიან მკვეთრად ჩანს “ეფ-ეს-ბეს” ყურები, არამედ ყველამ დაინახა სამშობლოს გაუგონარი ღალატი, მთლიანად სიცრუეზე დაფუძნებული აბსოლუტური ბოროტება, დიქტატურის აშკარად გამოკვეთილი კრიმინალური ბუნება და ამავე დროს უკიდურესი სიმხდალე და სისუსტე.

კომისიის სახედ შეარჩიეს ზიზღის ჯგუფის ლიდერი ქალბატონი, რომელიც სძულს არამხოლოდ საზოგადოებას, არამედ დარჩენილი ქოცების უმრავლესობასაც. თუმცა, რა თქმა უნდა, სწორედ ეს არჩევანი იდეალურად ასურათებს ღალატის ფენომენს.

ხედავენ რა თუ რამხელა მარცხი იწვნიეს, ისინი კიდევ გამოაგდებენ ენით აღუწერელ სიბინძურეებს, რომელთა მიზანია შოკის ეფექტის გამოწვევა. რითაც უფრო მეტად გამოიჭენებენ თავს.

ამიტომ ერთის მხრივ უნდა მივუშვათ რათა ბოლომდე გადაიჩეხონ და მეორე მხრივ ყველაფერს მკაცრი პასუხი უნდა გაეცეს მომავალი ნამდვილი სახალხო ტრიბუნალისთვის საფუძვლის მოსამზადებლად“, – აცხადებს მიხეილ სააკაშვილი.

ტელეკომპანია “კავკასიას” გენერალური დირექტორი, ნინო ჯანგირაშვილი მმართველ პარტიას კონკრეტულ რისკებსა თუ შესაძლო უმძიმეს პრობლემებზე მიანიშნებს:

“ქოცების დიქტატურა ისტორიაში შევა როგორც ნიფხავგამოხეული დიქტატურა.

2 ამერიკული საიტი რომ დაუბლოკონ საქართველოს ქვეყნის ექსპორტის 36% უბრალოდ გაქრება, აორთქლდება, აღარ იარსებებს, დანარჩენზე აღარაფერს ვამბობ.

“დიფსთეითმა“ მართლა რომ მოინდომოს, ზუსტად ერთ კვირაში ისე ჩამოიქცევა ქვეყანა, რომ მათივე ბიზნესმენები და წურბელებად დასაქმებული მხარდამჭერები შეჭამენ ქოცებს თავფეხიანად. ვაი თქვენს პატრონს!😅” – წერს ნინო ჯანგირაშვილი ფეისბუქის პირად გვერდზე.

📢აღდგომის დღესასწაულთან დაკავშირებით, საქართველოს რკინიგზა 18 და 19 აპრილს თბილისი-ბათუმი-თბილისის მიმართულებით რეისებს ამატებს.

🎟ბილეთების შეძენა შესაძლებელია:
✅ჩვენი ვებ-გვერდის საშუალებით: https://gr.com.ge;
✅სწრაფი გადახდის აპარატებით;
✅საქართველოს რკინიგზის სალაროებში;
✅საქართველოს რკინიგზის პარტნიორი კომპანიების მეშვეობით.

თბილისიდან მატარებლის
გასვლა – 10:35
ჩასვლა – 16:10

ბათუმიდან მატარებლის
გასვლა – 18:30
ჩასვლა – 23:47

ინფორმაციას საქართველოს რკინიგზა ავრცელებს

,,ანტისაოკუპაციო მოძრაობის“ ლიდერი, დავით ქაცარავა მწვავე შეფასებას აკეთებს რუსი პროპაგანდისტის, ალექსანდრ დუგინის განცხადებასა და ასევე, საქართველოს მმართველი პარტიის მიერ განხორციელებულ პოლიტიკასთან დაკავშირებით:

,,რუსეთი საქართველოს ანექსიას გეგმავს – ამ გეგმას კრემლის პროპაგან*ონი, დუგინი აჟღერებს.

სისხლიანი ქოც-ბანდა კი, ამ გეგმის განხორციელებაში საუკეთესო იარაღია.
თანაც, მოქმედებაში მოყვანილი”, – წერს დავით ქაცარავა.

ინფორმაციისთვის: რუსმა ულტრანაციონალისტმა იდეოლოგმა, ანტიგლობალისტმა ფილოსოფოსმა ალექსანდრ დუგინმა განცხადება გააკეთა, სადაც აღნიშნა – ,,ჩემი აზრით, ახლა ჩვენ მივდივართ იქამდე, რომ ჩვენს პარტნიორებს პოსტსაბჭოთა სივრცეში ახალი მაკროსახელმწიფოს შექმნის იდეა შევთავაზოთ. და ეს სახელმწიფო, საქართველო რომ არ იყოს მისი ნაწილი – ვერ შეიქმნება“.

ავტორი
ნინი ხიჯაკაძე

„მერამდენეჯერ ვრწმუნდებით, რომ ადამიანის უფლებები, ქალების თანადგომა, ბავშვების დაცვა, მხოლოდ ტრენინგების ჩატარების და ქვეყანაში ფულის შემოტანის საშუალება იყო როგორც აქ, ამ ტრენინგების მიმღებთათვის, ასევე, სამწუხაროდ, მათი ზოგიერთი დამფინანსებლისთვის“, – ამის შესახებ პარლამენტის თავმჯდომარის მოადგილემ, ნინო წილოსანმა პლენარულ სხდომაზე განაცხადა.

როგორც პარლამენტის თავმჯდომარის მოადგილემ აღნიშნა, ისინი არც ქალებზე თავდასხმებს გმობენ და არც ბავშვების უსაფრთხოება ადარდებთ.

„თეა წულუკიანს ღამის საათებში, სახლში მიუვარდა დატრენინგებული აგრესორების ბანდა და გადაწყვიტეს ასე დაეტერორებინათ ქალი პოლიტიკოსი და მისი ოჯახი. უფრო მეტიც, ამ დროს, ქალის უფლებადამცველებად წოდებული აქტივისტები გამოვარდებიან და წყევლა-კრულვას არ დაიშურებენ ამ ქალი პოლიტიკოსის მიმართ, ხოლო რიგი დიპლომატები ამ აგრესიულ აქტივისტებთან მეგობრული შეხვედრებით ან დუმილით წაახალისებენ ამ ყველაფერს“, – განაცხადა ნინო წილოსანმა.

მისი თქმით, ეს არის ზეწოლის და ტერორის ფორმა.

„შეშფოთებული და დამფრთხალი ბავშვის დანახვაზე თეა წულუკიანს უარი უნდა ეთქვა „ნაცების“ გასამართლებაზე. ამ ყველაფრის შემხედველი მისი ოჯახის რომელიმე წევრს ნერვებმა უნდა უმტყუნოს და პროვოკაციაზე წამოეგოს. ეს არის თანამედროვე „ვოუქ აქტივიზმის“ მახინჯი ფორმა, რაც ასე კარგად გამოსდით ლიბერ ფაშისტებს“, – განაცხადა ვიცე-სპიკერმა.

მისი თქმით, რაც ამ წლების განმავლობაში უცხო ჩარევებით მივიღეთ ეს არის კარგად დატრენინგებული აგრესორთა ჯგუფი, მათ შორის, სამწუხაროდ, სწორედ ტრენინგებით „გაძლიერებული ქალები“, რომლებსაც შეუძლიათ სხვა ქალების შეავიწროონ და დევნონ, მიუვარდნენ სახლებში თუ საზოგადოებრივი თავშეყრის ადგილებში.

„ნუთუ ასეთ სოციუმს ვაშენებდით და ამაში „გვეხმარებოდნენ“?! ამ აგრესორ დაჯგუფებას შეუძლია საერთო ზეიმის თუ გლოვის დროსაც თავიანთი პოლიტიკური მიზნები ახორციელონ, დააპირისპირონ საზოგადოება და ტერორში აცხოვრონ, 9 აპრილის მემორიალთან მიმსვლელებს აფურთხონ, პოლიციელებს სახეში ურტყან, ამ ქვეყნის აბსოლუტურ უმრავლესობას დედა აგინონ და შეურაცხყოფა მიაყენონ ოფიციალურად მილიონ 200 000 ჩვენს ამომრჩეველს და არა მხოლოდ მათ, ამავდროულად, იმათაც, ვინც არჩევნების დროს არ მოვიდა, თუმცა სახლში მშვიდად იჯდა იმიტომ, რომ იცოდა „ქართული ოცნება“ ისევ გაიმარჯვებდა.

არა! ასეთი საზოგადოება არ გვიშენებია! საუკუნეების მანძილზე ყოველთვის იყო რაღაც, რაც გვაერთიანებდა და ეს რაღაც აუცილებლად უნდა ყოფილიყო 9 აპრილი, როცა ერთად ვიგლოვებდით ჩვენს გმირებს და როცა კიდევ ერთხელ შევფიცავდით ერთმანეთს და ჩვენს სამშობლოს – რომ აუცილებლად დავიცავდით, აუცილებლად გამოვიდოდით რუსთაველზე – თუ ეს ჩვენს ქვეყანას დასჭირდებოდა და არა რომელიმე უცხო ძალას – ვის ან რის გამოც სამწუხაროდ, დღეს აქ რუსთაველზე დგანან“, – განაცხადა ნინო წილოსანმა.

ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს

2024 წლის 18 სექტემბერს თბილისში ავთანდილის ქუჩა N8- ში გარდაცვლილი იპოვეს ქართველი მოდელი, ტრანსგენდერი ქალი, კესარია აბრამიძე. მას სასიკვდილო ჭრილობები დანით ჰქონდა მიყენებული.

მკვლელობაში ბრალდებულს, 26 წლის ბექა ჯაიანს დღეს სასამართლომ უვადო პატიმრობა მიუსაჯა.

მოსამართლე ნინო გულუსტაშვილმა ბრალდებული ბექა ჯაიანი ყველა წარდგენილ ბრალდებაში დამნაშავედ ცნო.

დრაც შეეხება კესარია აბრამიძის მკვლელობის დღეს: საქმის მასალებიდან გაირკვა, რომ კესარია აბრამიძე და ბექა ჯაიანი მომხდარ, შემზარავ ფაქტამდე 1 კვირით ადრე დაშორდნენ. კესარია ურთიერთობის გასაჯაროებას სთხოვდა, ხოლო მისი პარტნიორი წინააღმდეგი იყო, რომ მათი ურთიერთობის შესახებ ოჯახსა და მეგობრებს გაეგო.

სოციალურ ქსელში ყველაზე ფართოდ გავრცებული ვერსია იყო, რომ კესარია მისმა პარტნიორმა, ბექა ჯაიანმა სოციალურ ქსელში story-ზე მათი ერთად გამოქვეყნებული ფოტოს გამო სასიკვდილოდ დაჭრა. კესარია აბრამიძეს ბრალდებულმა 28-ჯერ ჩაარტყა დანა.

ავტორი
ნინი ხიჯაკაძე

ქართველი მწერალი და დრამატურგი, ლაშა ბუღაძე სოციალურ ქსელში სტატუსს აქვეყნებს, სადაც საუბრობს იმ ასპექტებზე, სადაც მმართველი პარტია დასუსტდა მიმდინარე პოლიტიკის შედეგად:

,,არ ვიცი, სოციოლოგია რას გვეტყვის, მაგრამ ჩემი დაკვირვებით, ქოცები არიან დასუსტებულები და აჭრილ-აბნეულები.

წააგეს პროპაგანდაში – აძაგეს გმირი ანწუხელიძე და პირიქით, ტერორისტების გაგმირება სცადეს… თავიანთი აღქმების ტყვეობაში არიან გამოჭედილები და გზა არსაით აქვთ – ან მარცხისკენ, ან რუსეთისკენ. ეს კი გზა არცაა.

სუსტები ხართ, სუსტები, ვერ გაგვიძლებთ…”, – წერს ლაშა ბუღაძე.

ავტორი
ნინი ხიჯაკაძე

“სტრატეგია აღმაშენებლის” და “ერთიანობა ნაციონალური მოძრაობის” ერთ-ერთი ლიდერი, პაატა მანჯგალაძე საგამოძიებო კომისიის საქმიანობას მწვავე შეფასებას აძლევს და შექმნილ რეალობასთან დაკავშირებით პოლიტიკურ შეფასებებს აკეთებს:

“ნუ ვუსმენთ, რა თქვა თეამ, ჯონდიმ ან სხვა უსახო პროპაგანდისტმა — ერთნი არიან და ლეგიონია მათი სახელი.

მათი მიზანია დღითიდღე ჩაგვძირონ ქაოსში, რომ ვეღარ გავარჩიოთ რა არის სიმართლე, ვინ არის მტერი და სად არის გამოსავალი.

ეს არის ივანიშვილის რუსული პროპაგანდის არსი:

• თუ ადამიანი გაბრუებულია — აღარ რეაგირებს უსამართლობაზე

• თუ ეშინია — აღარ აპროტესტებს

• თუ დააჯერე, რომ არაფერი იცვლება — ნებდება

ის გვეუბნება: „სიმართლე არ არსებობს. გმირი არ არსებობს. არაფერი წმინდა არ არის. ყველაფერი იყიდება. და ბოლოს, „ბრძოლას აზრი არ აქვს.“

ჩვენი პასუხია, ქმედება, უწყვეტი პროტესტი!

ყველაფერი არ იყიდება! არც ძალაუფლებაა მუდმივი და არც ხალხის ნება ითმენს ტყვეობას დიდხანს!

ეს ის ქვეყანაა, სადაც ჯერ კიდევ გვწამს ღირსების, გმირების და გამარჯვების!

არ აკენკოთ ქოცის საკენკი — მოწამლულია!” – აცხადებს პაატა მანჯგალაძე.

ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს