საქართველოს მე-3 პრეზიდენტმა, მიხეილ სააკაშვილმა ევროპის სახალხო პარტიის კონგრესზე მოწვევა მიიღო, რასთან დაკავშირებითაც პოლიტიკურ განცხადებას აკეთებს:

“ევროპის ყველაზე დიდი პოლიტიკური ოჯახისგან (EPP) მივიღე მოწვევა ევროპის სახალხო პარტიის კონგრესზე, რომელიც იმართება 29-30 აპრილს, ვალენსიაში.

მიუხედავად ჩემი პოლიტიკური პატიმრობისა, “ქართული ოცნება” ვერ შეძლებს ჩემი ხმის გაჩუმებას. წარმატებას ვუსურვებ ჩვენს დელეგაციას!

მალე ერთად გავათავისუფლებთ საქართველოს! 🇬🇪“, – აცხადებს მიხეილ სააკაშვილი.

ქართველი მწერალი და დრამატურგი, ლაშა ბუღაძე სოციალურ ქსელში ემოციურ სტატუსს აქვეყნებს ტელეკომპანია ,,მთავარ არხთან” დაკავშირებით:

“მთავარი არხი” გაქრა. ვერ გადაარჩინეს… შედეგი დამაფიქრებელი და მძიმეა: მძლავრი კრიტიკული პლატფორმა გაჩერდა… და თან ასეთ დროს! “ლიტერატურული სამკუთხედი” ამ არხის ნაწილი იყო მისი დაარსებისთანავე და არ მახსოვს შემთხვევა, როგორმე ან რაიმე ფორმით შეზღუდულიყო ჩვენი სიტყვის და ან კი ზოგადი თავისუფლება – ეს იყო ერთიანი, კრიტიკული და თავისუფალი პლატფორმა ჩვენთვის და ჩვენი სტუმრებისთვის.

ეს არის საშიში სიგნალი სხვებისთვისაც, რადგან შეიძლება იგივე დაემართოთ დარჩენილ კრიტიკულ ტელეკომპანიებს, მერე კი ვეღარც “ქოცი” იპოვის სამართალს, როცა მას სისტემა დაჩაგრავს – არავინ იქნება, ვინც მის ამბავს და პრობლემას გააცხადებს და ამხელს.

არადა პრობლემები ივანიშვილის ბანდას უფრო აქვს ახლა, ვიდრე ვინმე სხვას და მათი პრობლემებიც კიდევ უფრო მეტად გაღრმავდება!

დღეს, როგორც არასდროს, წარმოუდგენლად საჭირო იყო “მთავარი არხი”. მაგრამ აღარ არის… ამიტომ ჩვენი ზოგადი “ეთიკის” და ფეისბუქის ტრადიციისამებრ მოკლედ და მრავლისმთქმელი უთქმელობით უნდა ვთქვათ: “წარმატებები” ან “ხსოვნა იყოს”, იქვე გულით, ან ცრემლიანი სახით, რადგან სხვა რამის თქმას აზრიც არ აქვს, როგორც ჩანს…”, – წერს ლაშა ბუღაძე.

ავტორი
ნინი ხიჯაკაძე

“ერთიანობა ნაციონალური მოძრაობის” გენერალური მდივანი, პეტრე ცისკარიშვილი ეხმიანება ბიძინა ივანიშვილის ბლუმბერგის სიიდან ამოღების ფაქტს:

“სანქცირებული ადამიანები, რომლებიც ვეღარ განკარგავენ საკუთარ ქონებას და ანგარიშებს, რა თქმა უნდა, ვეღარც მოიძებნებიან ბლუმბერგის და ვერც ფორბსის სიაში, რადგან ისინი აღარ შეესაბამებიან იმ ადამიანების ჩამონათვალს, რომლებსაც ბევრი მილიარდი აქვთ, მაგრამ აქ არის მეორე მნიშვნელოვანი მომენტი, როდესაც ივანიშვილი საქართველოში ქართველების ხარჯზე შოულობს მილიარდებს, რომელსაც შავი ფული შეიძლება ვუწოდოთ, ამიტომ ისევ და ისევ საბოლოო ჯამში ქართული სახელმწიფოს გადასაწყვეტია უნდათ თუ არა ისეთი ადამიანი, რომელიც მილიარდებს შოულობს ქართველების გაღარიბებით იმისთვის, რომ დააკონპენსიროს საკუთარი დასანქცირებული ქონება დასავლეთის მხრიდან”, – განაცხადა პეტრე ცისკარიშვილმა.

ინფორმაციას ერთიანობა ნაციონალური მოძრაობის პრესსამსახური ავრცელებს

კომუნიკაციების კომისიის მედიალაბმა, სტარტაპ იდეების კონკურსი „იდეადრომი“ უკვე მეათედ გამოაცხადა. კონკურსი აქსელერაციის ერთკვირიან პროგრამას წარმოადგენს და მიზნად ახალბედა ციფრული მეწარმეების აღმოჩენას, მათი იდეების გაუმჯობესებას და პროდუქტად გარდაქმნაში ხელშეწყობას ისახავს. „იდეადრომში“ მონაწილეობა შეუძლიათ სტარტაპერებს, რომლებიც ციფრული კომუნიკაციის, ხელოვნური ინტელექტის, კიბერ-უსაფრთხოების, ყალბი ინფორმაციისგან თავდაცვისა და ინფორმაციის ხელმისაწვდომობის მიმართულებით მუშაობენ.

კონკურსში მონაწილეობის მისაღებად გუნდი უნდა შედგებოდეს მაქსიმუმ სამი სრულწლოვანი მონაწილისგან. მიღებული განცხადებების საფუძველზე შეირჩევა 5 საუკეთესო გუნდი, რომლებიც ერთი კვირის განმავლობაში ინტენსიურ სასწავლო პროგრამას გაივლიან. სამუშაო შეხვედრებს დარგის წამყვანი სპეციალისტები გაუძღვებიან, რომლებიც მონაწილეებს თავიანთ ცოდნასა თუ გამოცდილებას გაუზიარებენ და იდეების დახვეწაში დაეხმარებიან.

ერთი კვირის განმავლობაში სტარტაპერები შეისწავლიან ისეთ მნიშვნელოვან თემებს, როგორებიცაა: იდეის შემოწმება, პროტოტიპის შექმნა, ბიზნესმოდელის ჩამოყალიბება, გუნდის მართვა, ასევე, იდეის ეფექტიანად წარდგენა და სტარტაპის მართვისთვის აუცილებელი ფინანსური თუ იურიდიული საკითხები. საგულისხმოა, რომ პროგრამა მონაწილეებს აძლევს არა მხოლოდ თეორიულ ცოდნას, არამედ პრაქტიკულ უნარებს, რომლებიც რეალურ ბიზნეს გარემოში სტარტაპის წარმატებისთვის გადამწყვეტია. ინტენსიური სამუშაო კვირის დასასრულს გამოვლინდებიან გამარჯვებული გუნდები, რომლებიც 10 000 ლარიან საპრიზო ფონდს გაინაწილებენ.

იდეადრომში მონაწილეობის მსურველებმა უნდა გაიარონ რეგისტრაცია და მოამზადონ 1 წუთიანი ვიდეოპრეზენტაცია, რომელშიც თავიანთ იდეას ან პროდუქტს წარმოადგენენ. რეგისტრაციის ბოლო ვადაა 8 მაისი, ხოლო ტრენინგები 12-17 მაისის პერიოდში გაიმართება.

შეგახსენებთ, რომ „იდეადრომი“ 9-ჯერ, წარმატებით ჩატარდა, ხოლო კონკურსის არაერთმა გამარჯვებულმა საკუთარი პროდუქტის გატანა უკვე საერთაშორისო ბაზარზეც შეძლო.

ინფორმაციას კომუნიკაციების კომისიის საზოგადოებასთან ურთიერთობის სამსახური ვრცელებს

ტელეკომპანია “მთავარი არხი” დაიხურა, რის თაობაზეც გაკეთდა ოფიციალური განცხადება. ამასთან დაკავშირებით თავისი პოზიცია დააფიქსირა არხის ყოფილმა გენერალურმა დირექტორმა, “კოალიცია ცვლილებისთვის” ლიდერმა, ნიკა გვარამიამ:

“დაიხურება მთავარი არხი, გაიხსნება ახალი.

სხვანაირად არ და ვერ იქნება, მჯერა და ვიცი.

მთავარია ქვეყანა არ დაიხუროს, თორემ მერე გინდა დახურე, გინდა გახსენი, აზრი არ ექნება არაფერს“, – წერს ნიკა გვარამია ფეისბუქის პირად გვერდზე.

ელექტროენერგიის გამანაწილებელი კომპანია სააქციო საზოგადოება „თელასის“ მიერ გავრცელებული ინფორმაციით კონკრეტული სამუშაოების გამო:

29 აპრილს ელექტრომომარაგება დროებით შეიზღუდება

დიდუბის რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დიღმის მასივის I, IV, VI კვარტლების (ნაწილობრივ) მოსახლეობას.

ჩუღურეთის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: დავით აღმაშენებლის გამზირის (ნაწილობრივ), დავით კლდიაშვილის, ჩუბინაშვილის, მარჯანიშვილის, მიხეილ წინამძღვრიშვილის, ნინოშვილის, კიტა აბაშიძის, ზურაბ ჭავჭავაძის, ორჯონიკიძის და ივანე ჯავახიშვილის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

„ევროპელი ბიუროკრატები დამარცხდნენ არჩევნებში, ქართველმა ხალხმა მათ უთხრა არა. სწორედ ეს აგიჟებთ და ამიტომ გვაშანტაჟებენ“, – ამის შესახებ დედაქალაქის მერმა კახა კალაძემ ევროპარლამენტის მიერ საქართველოს შესახებ მომზადებული რეზოლუციის შესახებ დასმული შეკითხვის საპასუხოდ განაცხადა.

მისი თქმით, მიუხედავად იმისა, რომ ზოგიერთი ევროპელი ბიუროკრატი შანტაჟის ენით ესაუბრება ხელისუფლებას, საქართველოს ინტერესები არ დაიმთობა.

„მთელი პასუხისმგებლობა ეკისრება იმ ზოგიერთ ევროპელ გაზულუქებულ, კორუმპირებულ ბიუროკრატს, რომლებიც შანტაჟის ენით ესაუბრებიან ქართველ ხალხს, ქართულ სახელმწიფოს. ჩვენ ამის შესაძლებლობას არავის მივცემთ. გინდ ევროინტეგრაციის საკითხით გვაშანტაჟონ, გინდაც პირადად, საქართველოს ინტერესები არ დაითმობა. ჩვენ მსგავსი რეზოლუცია ბევრი გვინახავს, შანტაჟიც ბევრი გვახსოვს. ჯერ კანდიდატის სტატუსის თემით გვაშანტაჟებდნენ, შემდეგ მოლაპარაკებების გახსნის თემით, ახლა კი, ვიზალიბერალიზაციისა და ასოცირების შეთანხმების საკითხს იყენებენ.

თუ ვინმეს სურვილი აქვს ნახოს, რა აქვს საქართველოს ევროინტეგრაციის მიმართულებით გაკეთებული. დარწმუნდებიან, რომ მოწინავე ქვეყანა ვართ. წინგადადგმული ნაბიჯებით და ნაკისრი ვალდებულებების შესრულებით იმ ქვეყნებზე წინ ვართ, რომლებმაც კანდიდატის სტატუსი ჩვენზე ადრე მოიპოვეს. აქ სხვა მოცემულობაა – საქართველოსთან მიმართებით სხვა დამოკიდებულება აქვთ. ევროპელი ბიუროკრატები, რადიკალურ დაჯგუფებებთან ერთად, დამარცხდნენ არჩევნებში, ქართველმა ხალხმა მათ უთხრა არა. სწორედ ეს აგიჟებთ და ამიტომ გვაშანტაჟებენ“, – აღნიშნა თბილისის მერმა.

ინფორმაციას თბილისის მერიის პრესცენტრი ავრცელებს

ანალიტიკოსი გოჩა მირცხულავა ვატიკანში სამგლოვიარო ცერემონიალზე ტრამპი-ყაველაშვილის შეხვედრას მძიმე შეფასებებით ეხმაურება:

“ეგ როგორ ხდება? დიპ სტეიტი რომ მართავს, იმ ტრამპის ხელის ქნევა პატივია? და, ჩვენო არავის ვასალები არ ვიქნებითო – ხელის ქნევაზე ორგაზმი გაქვთ?… და დიპ სტეიტის მართული ტრამპი რატომ არ მოუყვანეს ბიძინას მართულ ყაველას, ეს რომ ხელის ჩამომრთმევთა რიგში დააყენეს?

ტიოტია ნინას დაკრძალვა იყო, რომ იკრიჭებოდა?

ბშვ ტრამპმა თუ იცოდეს, ვის დაუქნია და ჩამოართვა ხელი, ყაველას სახით… ხელი კიდევ როგორც მისთვის არ დაუქნევია პერსონალურად – იმდენი სიკეთე და ბიძინას მაყუთი მე 🙂 ვინც ტრამპს დააბრალოს, იცის ვინაა ყაველაო, მაგას ასე – მტყუანის დდშვც…

და კიდევ… როგორი დან*რეული გაქვს ხელის ქნევა – ჩამორთვევა რომ
პატივია… თუმცა ეგრე იყო ღარიბაზეც, ვისაც თავს უქნევდა ყველაზე ნიუსს წერდა სტრატკომი – შეხვდაო…

ვაჰ საქართველო…“, – წერს გოჩა მირცხულავა ფეისბუქის პირად გვერდზე.

საგანმანათლებო სისტემაში სახელობო საქმის მნიშვნელობაზე ამახვილებს ყურადღებას ანალიტიკოსი, ჟურნალისტი არჩილ გამზარდია:

“ძალიან ცუდია რომ დღევანდელ სკოლაში არ ისწავლება სახელობო საქმე. ჩემი მოსწავლეობისას ისწავლებოდა ეს საგანი (შრომის დასახელებით), თუმცა გენდერულად იყო დაყოფილი.

ამის მიუხედავად, ვეუფლებოდით ელემენტარულ შრომით უნარებს, რაც ყოველდღიურ ცხოვრებაში ძალიან გვადგებოდა.

აუცილებელია სკოლებს ჰქონდეთ სახელობო საგანი, ოღონდ არა გენდერული დიფერენცირებით, მოზარდებმა – გოგოებმაც და ბიჭებმაც უნდა ისწავლონ ელემენტარულად ხერხის, ჩაქუჩის და ა.შ. გამოყენება, ელემენტარული უნარები რომ გოგომაც და ბიჭმაც იცოდეს ელემენტარული კერძების მომზადება, ღილის დაკერება და სხვა.

არაერთ ევროპულ და აშშ სკოლებში, რამდენადაც ვიცი, პრაქტიკული სახელობო საგნებს სოლიდური ყურადღება ექცევა, განვითარებულია ტექნიკურ-ინსტრუმენტული და ა.შ. საჭიროებები.

აუცილებელია სწორი ფორმით სასკოლო განათლების დატვირთვა“, – წერს არჩილ გამზარდია ფეისბუქის პირად გვერდზე.