კონკრეტულ მამაკაც პოლიტიკოსებთან დაკავშირებით თავის პოზიციას აფიქსირებს პარტია “ფედერალისტების” ერთ-ერთი ლიდერი, თბილისის ორგანიზაციის ხელმძღვანელი თამარ ჩერგოლეიშვილი:
“ისე, ამ ქვეყნის პოლიტიკაში არიან კაცები, რომელთაგანაც:
ერთი რძის პროდუქტების კონტეინერით დაბრუნდა საქართველოში და მაცივარში განთავსებული, სელფი ვიდეოებს წერდა, გამიტაცეს და გემზე დამაგდესო.
მეორე ყვიროდა კანონიერი ქურდები ჩემკენ არიან, ოთხში ვიწყებ ოთხში ვამთავრებო.
მესამე სათამაშო პარლამენტს ითხოვდა, გავიმარჯვე და გამიერთიანდით – შემაქმნევინეთო.
მეოთხემ – ახლა წავედით პრეზიდენტის სასახლის გასაღები ჩავიბაროთო.
მეხუთე სასამართლოს კანცელარიას წვავდა – როგორც მისი ადვოკატი ამბობს.
აღარაფერს ვიტყვი იმ უპირველეს ეპისტოლარზე, რომელიც ამტკიცებს რომ 2008 წლიდან დიფსტეიტი დასდევს.
მე მხოლოდ ძალიან მცირე მაგალითები მოვიყვანე – თქვენ განაგრძეთ, თუ გსურთ.
ხოდა აი ასეთ კაცებს ირჩევენ და გიჟიაო, ჩემზე ამბობენ🦦“, – წერს თამარ ჩერგოლეიშვილი სოციალურ ქსელში.
