“ივანიშვილის დასრულებასთან ერთად, დაიწყება დრო, როცა პარტიებს ამომრჩეველი გააუქმებს (ჩარეცხავს), და არა ახირებული ტირანი, ან ოლიგარქი” – თამარ ჩერეგოლეიშვილი

მმართველი გუნდის მიერ დაანონსებული საკანონმდებლო ინიციატივები და საკონსტიტუციო სასამართლოში პარტიის აკრძალვასთან დაკავშირებით კონკრეტული სარჩელის შეტანის საკითხს კონკრეტული შეფასება-განმარტებებით ეხმაურება პარტია “ფედერალისტების” ერთ-ერთი ლიდერი, თბილისის ორგანიზაციის ხელმძღვანელი თამარ ჩერგოლეიშვილი:

“პარტიების გაუქმებაზე:

რეჟიმი ქუჩიდან უნდა გატყდეს.

ინსტიტუტებიდან რეჟიმი არ გატყდება – ინსტიტუტები მიტაცებულია, მისია.

შემდეგი არჩევნები ივანიშვილის კონტროლის გარეშე უნდა ჩატარდეს, მას შემდეგ, რაც რეჟიმი ქუჩიდან გატყდება.

გატეხილი რეჟიმი იმას იზამს, რასაც პროტესტი უბრძანებს – პარტიები აღდგება.

ივანიშვილის დასრულებასთან ერთად, დაიწყება დრო, როცა პარტიებს ამომრჩეველი გააუქმებს (ჩარეცხავს), და არა ახირებული ტირანი, ან ოლიგარქი.

P.S. ის საკანონმდებლო სიშლეგე, რასაც რეჟიმი სჩადის, ზედმეტად სასოწარკვეთილია იმისთვის, რომ რეჟიმის ნორმალიზაცია შეძლოს თუნდაც საკუთარი ამომრჩევლის თვალში“, – წერს ფეისბუქის პირად გვერდზე თამარ ჩერგოლეიშვილი.