განათლების ყოფილი მინისტრი, ილიას სახელმწიფო უნივერსიტეტის პროფესორი, პოლიტოლოგი გია ნოდია, სოციალურ ქსელში, მთავრობის მეთაურ ირაკლი კობახიძის კონკრეტულ გამონათქვამს ეხმაურება:
“რამდენჯერმა მითქვამს, რომ “ქართული ოცნების” პროპაგანდა გებელსის (ჰიტლერის პროპაგანდის უფროსის) მეთოდებით მუშაობდა. სალანძღავად არ ვამბობდი: მართლა ასე მგონია.
ამის ერთ-ერთი მეთოდია, მოწინააღმდეგეს დააბრალო ის, რასაც შენ თვითონ აკეთებ.
ამიტომ ირაკლი კობახიძის გამონათქვამს ჩემი ადრეული შეფასების ირიბ დადასტურებად ვიღებ (ვიცი, მისი მიზანი ეს არ ყოფილა):
ისიც უნდა ვაღიაროთ, რომ, გებელსის მსგავსად, ქოცპროპაგანდაც საკმაოდ ეფექტიანია. თუმცა მთლად გებელსისებრად ეფექტიანი ვერ იქნება ობიექტური მიზეზის გამო:
გებელსი გერმანიის ინტერესის გარკვეული (თუნდაც დამახინჯებული) ინტერპრეტაციიდან ამოდიოდა. ქოცების პოლიტიკას საქართველოს ინტერესებთან საერთოდ არა აქვს კავშირი“, – აცხადებს გია ნოდია.
ინფორმაციისთვის – ირაკლი კობახიძემ ევროპასთან მიმართებაში გებელსთან შედარება მოახდინა:
“მართლა გებელსისეული პროპაგანდის გაგრძელებაა ეს სამარცხვინო ტყუილები და განცხადებები, რასაც ჩვენ ვისმენთ ევროპული ბიუროკრატიის მხრიდან“, – განაცხადა ირაკლი კობახიძემ
