6 არასამთავრობო ორგანიზაციის მიერ გაკეთებულ განცხადებას იმასთან დაკავშირებით, რომ ანტიკორუფციული ბიურო მათ კანონის დარღვევას ედავება, კონკრეტული განმარტებებით და მწვავე შეფასებებით ეხმაურება პოლიტიკის მეცნიერების დოქტორი, მოძრაობა “ერთიანი ნეიტრალური საქართველოს” დამფუძნებელი წევრი, ანალიტიკოსი ლევან ნიკოლეიშვილი:
“ეს, ერთმანეთზე, “საყვარელი” სუბიექტები აცხადებენ, რომ კანონის დარღვევას გვედავებიან და სისხლის სამართლის პასუხისმგებლობით გვემუქრებიანო ანუ დამნაშვები ვართო. მაგრამ რახან ეს კანონი (“უცხოური აგენტების რეგისტრაციის კანონი”) რუსულია, ამ კანონით ცხოვრებას არ ვაპირებთო.
ცოტა კი არა, ძალიან სასაცილოა, რომ თურმე არასამთავრობოები ადგენენ რომელი კანონია ქართული, ევროპული, ამერიკული, რუსული და რომელი, თუმცა მათი ლოგიკით ყველა კანონი, რომელიც მათ ფინასურ გამჭირვალეობას ავალდებულებს მათთვის მიუღებელია და შესაბამისად რუსულია.
უფრო მარტივად, ამ გრანტიჭამიებს იმაზე დიდი წარმოდეგენა აქვთ საკუთარ თავზე ვიდრე კანონმდებლობაა, ეს შეძლება ე.წ. ტრენინგებზე აქვთ ნასწავლი ან უცხელმა პატრონებმა უთხრეს.
ასე თუ ისე, თვითლუსტრირებულმა აგენტებმა, კანონს წინაშე პასუხი აუცილებლად უნდა აგონ, ხოლო “აღშფოთება-შეშფოთება-დაბეზღება” თავისთვის შეინახონ.
ვინმეს მოწონს თუ არა, ეს ძალიან მარტივი ჭეშმარიტებაა, ხარ საქართველოს მოქალაქე, უნდა იცხოვრო და დაემორჩილო იმ კანონებს, რომელიც ამ ქვეყანაში მოქმედებს, ან პასუხი უნდა აგო ამ კანონების დარღვევაზე“, – წერს ფეისბუქის პირად გვერდზე ლევან ნიკოლეიშვილი.
ინფორმაციისთვის: ანტიკორუფციული ბიუროს კონკრეტულ გაფრთხილებას სისხლის სამართლის პასუხისმგებლობასთან დაკავშირებით, 6 არასამთავრობო ორგანიზაცია პირდაპირ პასუხობს, რომ “რუსული კანონებით ცხოვრებას არ ვაპირებთ“.
