მიხეილ სააკაშვილთან მიმართებაში დაფიქსირებულ ცალკეულ პოზიციას კონკრეტული განმარტებებით ეხმაურება ანათლების ყოფილი მინისტრი, ილიას სახელმწიფო უნივერსიტეტის პროფესორი, პოლიტოლოგი გია ნოდია:
“რაკი ამ თემამ მნიშვნელობა შეიძინა, მეც ვიტყვი: მიხეილ სააკაშვილის პოლიტპატიმრად არაღიარება ნიშნავს იდეოლოგიურ აკვიატებას, პოლიტიკურ სიბეცეს და/ან თავად ამ ტერმინის (“პოლიტპატიმარი”) შინაარსის არცოდნას.
მიშა პოლიტპატიმარია და რეჟიმის ტყვეა. მოგწონს თუ არა მისი პოლიტიკა, სრულიად სხვა საკითხია.
მეორეს მხრივ, ყველას აქვს უფლება, ჰქონდეს არასწორი შეხედულება (მაგალითად, არ აღიარებდეს მიხეილ სააკაშვილს პოლიტპატიმრად)“, – წერს გია ნოდია ფეისბუქის პირად გვერდზე.
