“შეგირცხვათ ქართველობაც, ნამუსიც თუ გაგაჩნიათ და ის ყალბი ეროვნული იდეებიც, რომელიც მოსაჩვენებლად თვლემს თქვენში” – შალვა ნათელაშვილი

თურქეთის პრეზიდენტის კონკრეტულ განცხადებასთან დაკავშირებით საქართველოში არასათანადო რეაგირება/გამოხმაურებაზე საუბრობს და მძიმე შეფასებებს აკეთებს “ლეიბორისტული პარტიის” თავმჯდომარე, შალვა ნათელაშვილი:

“ხელისუფლებაზე უარესი რომ მასთან ვითომ დაპირისპირებული და მისივე გამათეთრებელი ინსტიტუტები გვყავს ესაა ტრაგიკული და სავალალო სწორედ.

დიდგორში, თურქებზე, აღმაშენებლის გამარჯვების 904 წლისთავზე, სელჯუკთა დედაქალაქში, ოლიგარქის მიერ საქართველოს პრეზიდენტის რანგში წარგზავნილი არსების, ტაო-კლარჯეთის მიმტაცებელ ათა-თურქის მავზოლეუმთან ყვავილებით ფართხალი, არანაკლებ უარესი, თურქეთის სახელმწიფი მეთაურის ერდოღანის მიერ, მესხეთის, თურქების სამშობლოდ ოფიციალური გამოცხადება და ამ ნახევარმილიონიანი მასის ჩამოსახლებაზე პრეტენზია ის არნახული რელობაა, რაზედაც ყველა ტელევიზია, ყველა პარტია, ყველა არასამთავრობო სდუმს.

შეგირცხვათ ქართველობაც, ნამუსიც თუ გაგაჩნიათ და ის ყალბი ეროვნული იდეებიც, რომელიც მოსაჩვენებლად თვლემს თქვენში“, – წერს შალვა ნათელაშვილი ფეისბუქის პირად გვერდზე.