აზერბაიჯანში, ბაქოში ჰეიდარ ალიევის ცენტრი, საქართველოს დროშის ფერებში განათდა. საქართველოს პრეზიდენტმა სალომე ზურაბიშვილმა აზერბაიჯანის პრეზიდენტს ტვიტერის გვერდის მეშვეობით მადლობა გადაუხადა გამოხატული სოლიდარობისათვის.
„დღეს ღამით ბაქოში, ჰეიდარ ალიევის ცენტრი საქართველოს დროშის ფერებში განათდა, მადლობა აზერბაიჯანის პრეზიდენტს ასეთი მხარდაჭერისათვის, რაც ასე დიდებულად აჩვენებს ქართველ ხალხს აზერბაიჯანელი ხალხის სოლიდარობას. ჩვენ ერთად ვართ უფრო ძლიერები,“ – აღნიშნა ტვიტერის გვერდზე სალომე ზურაბიშვილმა.
სოციალურ ქსელ ტვიტერზე აზერბაიჯანის მეგობრულ მხარდაჭერას აგრეთვე გამოეხმაურა საქართველოს საგარეო საქმეთა მინისტრი დავით ზალკალიანი:
„დიდი მადლობა აზერბაიჯანს, რომ გამოგვიგზავნეთ მხარდაჭერის ასეთი ძლიერი გზავნილი, ჰეიდარ ალიევის მოედნის საქართველოს დროშის ფერებში განათებისათვის. არ არსებობს უკეთესი გზა გამარჯვებისათვის, ვიდრე ერთმანეთისათვის დახმარების ხელის გაწვდენა,“ – წერს დავით ზალკალიანი.
ავტორი
თამთა ასლანიშვილი
