ანალიტიკოსი, ჟურნალისტი არჩილ გამზარდია ყოფილ შს მინისტრ და ყოფილი პრემიერ მინისტრ, გიორგი გახარიასთან დაკავშირებით დაწყებულ საგამოძიებო საქმეს ეხმიანება და ცალკეული ფაქტების გათვალისწინებით კონკრეტულ მოსაზრებას გამოთქვამს:
“დიფსთეითთან” თანამშრომლობა ერთადერთი ვისაც დაუმტკიცდა “ქართული ოცნებაა”, თავადვე აღიარეს თან, რომ წლები ვთანამშრომლობდით დიფსთეითთანო, მათ განახორციელებინეს გახარიას ჩორჩანაო, ჩვენ დიფსთეითთან თანამშრომლობის გამო ხმა არ ამოგვიღიაო, მერე რუსეთმა მაგის გამო ტერიტორიები კიდევ მიიტაცაო, ჩვენ დიფსთეითთან თანამშრომლობის გამო არ შევიმჩნიეთო, თან გახარია პრემიერი გავხადეთ დიფსთეითთან თანამშრომლობითო და რომ გადადგა, დღემდე მოღალატეს ვეძახითო, ანუ დიფსთეითელი გახარია ძალაუფლებას რომ ჩამოშორდა, ამის გამო მოღალატეაო (წესით უნდა გახარებოდათ).
ჰოდა, რა ვიცი, ეს ყველაფერი თავადვე აღიარეს და გამოდის სამშობლოს ინტერესების საწინააღმდეგოდ დიფსთეითის სასარგებლოდ მუშაობდა ქართული ოცნება.
აბა, საგამოძიებო კომისია “ქართული ოცნებისათვის” ყოფილა შესაქმნელი სამშობლოს ღალატზე და გასასამართლებელიც თავადვე ყოფილან და შეუდავებელი მტკიცებულებებით, აღიარებით.
ასეთი აღიარებების სხვა ანალოგი ვერც კი შეიძლება მოიძიოთ.
და ჩვენც რომ ვისმენთ, ოპოზიცია კი ამაზე ფოკუსირების ნაცვლად ერთმანეთს მიირთმევს საუზმედ, სადილად და ვახშმად.
რა ვიცი, აბა 😀
ტემპერატურაც დაეცა, ქარებია, მე კიდევ კარტოფილის თოხნა მიწევს აწი.
სხვა რა გვიჭირს.
საშუალო ხელფასი გაზრდილა.
ჩემი საფულე სიცილით მოკვდა ეს რომ გაიგო, ახლაც იღრიჭება გახსნილი ელვით, ან რად უნდა შეკვრა ცარიელს“, – წერს არჩილ გამზარდია ფეისბუქის პირად გვერდზე.
