თბილისის მერი, კახა კალაძე ეხმიანება გენერალური პროკურორის გენერალურ აუდიტორად დანიშვნის ფაქტს და ამ მხრივ კონკრეტული შესაძლო მაგალითი მოჰყავს:
“შალვა პაპუაშვილმა ზედმიწევნით ახსნა გადაწყვეტილების მიზეზი, რომ ადამიანი ერთი კონკრეტული თანამდებობიდან გადადის მეორე უწყებაში და იკავებს კონკრეტულ თანამდებობას. რა არის ამაში ცუდი?!
მე რომ დღეს მერი ვარ, მთელი ცხოვრება მერი უნდა ვიყო? ხვალ რომ სხვა თანამდებობაზე გადავიდე, რა არის ამაში პრობლემა? ან საერთოდ პოლიტიკაში რომ არ ვიყო, პრობლემას ხედავთ? ჩემი დღევანდელი სტატუსი მთელი ცხოვრება კი არაა მონიჭებული – რამდენიმე წლის წინ სპორტში ვიყავი, დღეს პოლიტიკაში ვარ, ხვალ ზეგ შეიძლება სადღაც სხვაგან ვიყო…“, – განაცხადა კახა კალაძემ.
