დამოუკიდებლობის დღესთან დაკავშირებით, კონკრეტული ანალოგებით პოლიტიკურ შეფასებებს აკეთებს “სტრატეგია აღმაშენებლის” ერთ-ერთი ლიდერი, პაატა მანჯგალაძე:
“გილოცავთ საქართველოს დამოუკიდებლობის დღეს!
არ მოგატყუოთ და ავყვეთ რუსქოცების პროპაგანდას, რომ თითქოს რაღაცას ზეიმობენ და რამეს იცავენ. სინამდვილეში, ცდილობენ დაგვაჯერონ, რომ სუვერენიტეტი დასავლეთისგან გათავისუფლებას ნიშნავს.
ეს ისეთივე სიცრუე და პროპაგანდისტული შხამია, როგორიც იყო 100 წლის წინ ბოლშევიკებისგან.
მაშინ ჟორდანიას მთავრობა იყო “ხალხის მტერი და იმპერიალიზმის აგენტები” – დღეს საქართველოს თავისუფლების ნამდვილ მცველებს და მის მხარდამჭერებს ნათლავენ აგენტებად.
მაშინ ქაქუცა და თავისუფლებისთვის მებრძოლები იყვნენ “ღალატში” ბრალდებულნი – დღეს სუფთა, ნათელი ახალგაზრდობა ხდება ე.წ. ხელისუფლების მიერ “მტრად” შერაცხილი.
მაგრამ ახლა საქართველო სხვაა.
გავიარეთ წარსული, გავიგეთ თავისუფლების ფასი.
გვყავს თაობა, რომელიც სიმართლეს არ უფრთხის.
გვყავს პარტნიორები, რომელთაც ჩვენს გვერდით დგომა შეუძლიათ.
დღეს საქართველო მარტო აღარ არის და აღარ დავუთმობთ თავისუფლებას ივანიშვილს და მის ნეობოლშევიკებს.
გაუმარჯოს თავისუფლებას!
დიდება გმირებს!
დიდება დამოუკიდებელ საქართველოს!” – აცხადებს პაატა მანჯგალაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
