ანალიტიკოსი ზაალ ანჯაფარიძე, სოციალურ ქსელში გამოქვეყნებულ პოსტში ვარაუდს გამოთქვამს აშშ-ს კონკრეტულ გეგმებთან დაკავშირებით:
“ამ პოსტს შესაძლოა აშშ-ს საელჩოშიც გაეცნონ, ან ჩემმა ამერიკელმა ფბ-მეგობრებმა წაიკითხონ.
ჩნდება კითხვა: MEGOBARI აქტის ძალაში შესვლის შემთხვევაში, მაინც როგორ წარმოუდგენია აშშ-ს საქართველოსთან და მის ხელისუფლებასთან საერთოდ ურთიერთობა, თუკი მისი პირველი პირები სანქციების ქვეშ ეყოლება?!
გვინდა არ გვინდა მივდივართ ვარაუდამდე, რომ აშშ იმედოვნებს ამ და სხვა აქტებით, ღია თუ ფარული ოპერაციებით საქართველოში ხელისუფლების შეცვლას, რომ უკვე მის ხელდასხმულ მთავრობასთან დაიწყოს ახალი ურთიერთობები, უფრო სწორად კი დაუბრუნოს ისინი იმ მდგომარეობას, რაც იყო 2004-2012 წწ, როდესაც ჩვენი ქვეყანა დემოკრატიით შენიღბულ ტერორში ცხოვრობდა, ბოლოს კი ტერიტორიების 22% დაკარგა“, – წერს ფეისბუქის პირად გვერდზე ზაალ ანჯაფარიძე.
