“ერთერთი ვისაც ეკუთვნის საქართველოს მოქალაქეობის ჩამორთმევა და ქვეყნიდან გაძევება, ეს საფრანგეთის მოქალაქე სალომე ზურაბიშვილია” – ზაალ ანჯაფარიძე

საქართველოს მე-5 პრეზიდენტ სალომე ზურაბიშვილთან დაკავშირებით მწვავე შეფასებებთან ერთად და მმართველი პარტიისადმი კონკრეტულ შეთავაზებას აკეთებს ანალიტიკოსი ზაალ ანჯაფარიძე.

“სამწუხაროდ, ჩვენი კონსტიტუციით (თავი32) მოქალაქეობის ჩამორთმევა დაუშვებელია, ისევე როგორც საქართველოდან საქართველოს მოქალაქის გაძევება.

თორემ ერთერთი ვისაც ეკუთვნის საქართველოს მოქალაქეობის ჩამორთმევა და ქვეყნიდან გაძევება, ეს საფრანგეთის მოქალაქე სალომე ზურაბიშვილია, რომელიც ყოველდღიურ რეჟიმში ზიანს აყენებს ჩვენი სახელმწიფოს ინტერესებს (აღარ ჩამოვთვლი როგორ). მისი გუშინდელი გამოსვლა პარიზში ამის მორიგი დასტური გახლდათ. პირდაპირ მოუწოდებდა ქვეყნის დასჯისკენ.

მოსაზრება „ბრიყვი მიუშვი ნებასა, თვით შეეყრება სნებასა“, რომელსაც ზურაბიშვილის მიმართ ხშირად იყენებენ, ვფიქრობ მის შემთხვევას არ შეესაბამება. ზურაბიშვილის პრობლემა ხელისუფლებამ უნდა მოაგვაროს. თუ რატომ, ვფიქრობ მარტივი მისახვედრია“, – წერს ფეისბუქის პირად გვერდზე ზაალ ანჯაფარიძე.