“ქართული ოცნება“ იყენებს „დიფ სთეითის“ და „გლობალური ომის ძალების“ მითს, რათა ხალხი დააშინოს და საკუთარი ღალატი გადაფაროს“, – ასეთ შეფასებას აძლევს “სტრატეგია აღმაშენებლის” და “ერთიანობა ნაციონალური მოძრაობის” ერთ-ერთი ლიდერი, პაატა მანჯგალაძე, მმართველი პარტიის მიერ წარმოებულ პოლიტიკას:
“ეს ქოცური ტრიუკია – მათ სჭირდებათ მუდმივი მტრის ხატი, რათა ყურადღება არ გამახვილდეს რეალურ პრობლემებზე: იმაზე, რომ ქვეყანა იზოლაციაშია, კორუფციით ივანიშვილის კლანი გამდიდრდა, ხალხი კი გაღარიბდა.
განსაკუთრებით ამორალურია მათი პროპაგანდა ომზე. „ქართული ოცნების“ ლოგიკით, თუ მე ახლა თავს დაგესხმებით, ეს ჩემი კი არა, თქვენი ბრალი იქნება – რატომ ვერ აიცილეთ აგრესია? ქოცური ლოგიკით, თავდაცვა დანაშაულია.
ეს იგივე პროპაგანდაა, რომლითაც კრემლი ამართლებს საკუთარ აგრესიას.
ახლა ამ ნარატივს საქართველოში იმეორებენ, რათა ქვეყანას წაართვან არსებობის უფლება და თავისუფლება.
ეს არის ჩვენი თავდაცვის ინსტიქტის მიზანმიმართული დაჩლუნგების მცდელობა. მათ უნდათ, რომ საქართველო უსუსური იყოს, რომ ხალხმა იფიქროს – მორჩა, სხვა გზა აღარ დარჩა.
მაგრამ ეს არ არის სიმართლე. სიმართლე ისაა, რომ მათი გზა ჩიხში მიდის, საქართველო კი სწორედ ახლა უნდა ადგეს ფეხზე და იბრძოლოს საკუთარი თავისუფლებისთვის!“ – აცხადებს პაატა მანჯგალაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
