საქართველოში ამერიკის შეერთებული შტატების საელჩო განცხადებას ავრცელებს ელჩ რობინ დანიგანსა და საგარეო საქმეთა მინისტრ მაკა ბოჭორიშვილს შორის გამართულ შეხვედრასთან დაკავშირებით:
“დღეს ელჩი დანიგანი შეხვდა საგარეო საქმეთა მინისტრ მაკა ბოჭორიშვილს და გააცნო პრეზიდენტ ტრამპისა და სახელმწიფო მდივან რუბიოს მთავარი პრიორიტეტები, ასევე, ის ნაბიჯები, რომელიც საქართველოს შეუძლია გადადგას, რათა აჩვენოს ამერიკის შეერთებულ შტატებთან ურთიერთობის გაუმჯობესებისადმი სერიოზული დამოკიდებულება“, – ნათქვამია გავრცელებულ განცხადებაში.
აღნიშნულ შეხვედრასთან დაკავშირებით ინფორმაცია და შეხვედრის ფოტოები გაავრცელა საქართველოს საგარეო საქმეთა სამინისტრომაც.
