“აი, ეს სიცოცხლის ზეიმი ბავშვები რომ ციხეში გამოკეტეთ, იმიტომ არის თქვენი სიცოცხლის ფასი კაპიკი, რეჟიმის წევრო მოსამართლეებო და პროკურორებო!” – ლელა ჯეჯელავა

საპროტესტო აქციებზე დაპატიმრებულთა სასამართლო პროცესზე ერთერთმა, დარბაზში მყოფ თავის დედასთან ერთად, საცოლესაც მიმართა და მას ცოლობა სთხოვა,  რასაც დარბაზში მყოფნიც და განსასჯელებიც დიდი ოვაციებით შეხვდნენ. აღნიშნული ემოციური მომენტის ვიდეო ვირუსულად გავრცელდა სოციალურ ქსელში და მას, ასევე ემოციურ შეფასებებით, გამოეხმაურა ანალიტიკოსი ლელა ჯეჯელავა:

“აი, ეს სიცოცხლის ზეიმი ბავშვები რომ ციხეში გამოკეტეთ, იმიტომ არის თქვენი სიცოცხლის ფასი კაპიკი, რეჟიმის წევრო მოსამართლეებო და პროკურორებო!

P.S. გთხოვთ დააკვირდით თავისუფლება აღკვეთილთა სახეებს და მერე უკან ახალგაზრდა ბადრაგის სახის გამომეტყველებას.

გამარჯვებულის და დამარცხებულის უფრო მეტყველი კადრი შეიძლება ვერც ვიპოვოთ.

ეს ვიდეო შესანახია!!!“, – წერს ფეისბუქის პირად გვერდზე ლელა ჯეჯელავა.