პარტია “ფედერალისტების” ერთ-ერთი ლიდერი, თბილისის ორგანიზაციის ხელმძღვანელი, თამარ ჩერგოლეიშვილი პატიმრობაში მყოფ მოშიმშილე მედიამენეჯერ მზია ამაღლობელთან დაკავშირებით მმართველი პარტიის დამოკიდებულებაზე საუბრობს:
“რეჟიმს ნამდვილად ფეხზე ჰკიდია მზია ამაღლობელის სიცოცხლე.
სანამ ცოცხალია, მის გამო არც გასაკუთრებულად ფართო საზოგადოება იწუხებს დიდად თავს – რამდენიმე ათასი ადამიანი ვიკრიბებით.
მაგრამ ყველამ იცის, რომ მზიას სიცოცხლე რეჟიმის პასუხისმგებლობაა, რასაც არ უნდა ფიქრობდნენ პოლიციელისთვის გაწნილ სილაზე და მე დარწმუნებული ვარ, რომ ღმერთმა დაგვიფაროს და უბედურება მოხდეს, ამ პასუხისმგებლობას ივანიშვილი ძალიან მწარედ იგრძნობს.
მზია ამაღლობელს მსხვერპლად შეწირვა აქვს გადაწყვეტილი. მე ეს მზარავს და სასტიკად არ მომწონს, მაგრამ ვერაფერს შევცვლი – მას მყარად აქვს გადაწყვეტილი რეჟიმს დარტყმა მისი სიცოცხლით მიაყენოს.
არ ვიცი, რეჟიმს მისი პატიმრობა ამხელა რისკად რატომ უღირს.
რა ჰგონია?“, – წერს ფეისბუქის პირად გვერდზე თამარ ჩერგოლეიშვილი.
