“საქართველოს პრეზიდენტმა დღეს 9 მსჯავრდებული პირი შეიწყალა” – პრეზიდენტის ადმინისტრაცია

საქართველოს პრეზიდენტის ადმინისტრაცია განცხადებას ავრცელებს პრეზიდენტ სალომე ზურაბიშვილის მიერ მსჯავრდებულების შეწყალების თაობაზე:

“საქართველოს პრეზიდენტმა დღეს 9 მსჯავრდებული პირი შეიწყალა. მათგან, 5 მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისაგან, 4 მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა, მათ შორის, 1 ქალ მსჯავრდებულს“, – ნათქვამია გავრცელებულ განცხადებაში.