მე-10 მოწვევის პარლამენტის დეპუტატი, “ერთიანობა ნაციონალური მოძრაობის” წევრი პაატა მანჯგალაძე ქვეყანაში მიმდინარე პროცესებს და საპროტესტო აქტივობებს ეხმაურება:
“სიცივით შეწუხებულ, უძილო, წვიმაში და ყინვაში ღამენათევ, მრავალჯერ მხუთავი აირით მოგუდულ მოქალაქეებს, ბავშვებს, ქალებს საკუთარ სარდაფებამდე რომ მისდევ, არბევ და უსწორდები, რისი ქართველი ხარ?! ან რომელი სამართლის დამცველი ხარ?! ან ვინც ამ მანიაკის დავალებებს ასრულებთ, რუსები ხართ, აბა ვინ ხართ?!
დილით მისულები რას ეუბნებით თქვენს ოჯახებს? ვინ და რა დაიცავით?! რომელი წესრიგი აღადგინეთ თქვენი შვილებისტოლა გოგო-ბიჭების გადათელვით? უღირსი ფულის მონები ხართ, მალე დასრულდებით. ნიღბები ვერ დაგიცავთ!“ – აცხადებს პაატა მანჯგალაძე.
პოლიტიკური პარტია “სტრატეგია აღმაშენებლის” მედიასთან და საზოგადოებასთან ურთიერთობის სამსახური
