პარტია ,,საქართველოსთვის” თავმჯდომარე, გიორგი გახარია საგანგებო ბრიფინგზე განცხადებას აკეთებს, სადაც ცენტრალურ საარჩევნო კომისიას კონკრეტული მოთხოვნებით მიმართავს:
,,ჩვენ მოვითხოვეთ დღეს, რომ 2024 წლის 26 ოქტომბრის არჩევნებზე მისული 2 მლნ 76 ათას 791 ამომრჩევლის სრული ბაზა გადაეცეს ობიექტურ, ნეიტრალურ პლატფორმას, სადაც თითოეულ ამომრჩეველს ინდივიდუალურად უნდა შეეძლოს გადაამოწმოს შემდეგი მონაცემები:
1. მონაწილეობა მიიღო თუ არა არჩევნებში;
2. რომელ უბანზე მიიღო მონაწილეობა, რომელ უბანზე მისცა ხმა;
3. რომელ საათზე მიიღო მონაწილეობა და რომელ საათზე მისცა ხმა;
დღეს ცესკო გამოვარდა და თქვა, რომ ეს რაღაცნაირად პირად მონაცემებს ან კანონს არღვევს.
კიდევ ერთხელ მინდა შევახსენო ცესკო-ს, რომ არავინ ითხოვს ბაზების გასაჯაროებას. საუბარია ამომრჩევლის მიერ საკუთარი ხმის მიცემის ფაქტის დადასტურებაზე და დაცვაზე”, – განაცხადა გიორგი გახარიამ.
ავტორი
ნინი ხიჯაკაძე
