“ადმინისტრაციას კვლავ მოვუწოდებ, რომ ჩაატაროს მკაცრი კამპანია, რათა ყველა ამომრჩევლამდე მივიდეს ეს ინფორმაცია,” – ამის შესახებ ცენტრალური საარჩევნო კომისიის წევრმა ანა კობახიძემ განაცხადა.
მისი თქმით, პირადი სახის ინფორმაციის ვინმესთვის გადაცემა, რომელიც საარჩევნო ერთიან სიაშია დატანილი, ისჯება სისხლის სამართლის დანაშაულით.
“ეს არ არის პირველი შემთხვევა, წინა კვირასაც გავასაჯაროეთ მსგავსი ფაქტები, როცა საქმე ეხებოდა საკრებულოებსა და გამგეობებში თანამშრომლების მიერ პირადობის დამადასტურებლი დოკუმენტის ჩამორთმევას.
უნდა შევახსენოთ ყველა საჯარო მოხელეს და მათ უშუალო ხელმძღვანელს, რომ ეს არის სისხლის სამართლის დანაშაული და ადმინისტრაციას კვლავ მოვუწოდებ, რომ ჩაატაროს მკაცრი კამპანია, რათა ყველა ამომრჩევლამდე მივიდეს ეს ინფორმაცია, განსაკუთრებით პირადი სახის ინფორმაცია, რომელიც დატანალია საარჩევნო ერთიან სიაში.
ასეთი ინფორმაციის ვინმესთვის გადაცემა, პირველ რიგში არის სისხლის სამართლის დანაშაული და შემდეგ ეს იწვევს მანიპულაციის რისკის არსებობას”, – განაცხადა ანა კობახიძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
