“ჩვენ ის ხალხი ვართ, ვინც ევროპელებსაც და ამერიკელებსაც დაელაპარაკება და რუსეთთან ლაპარაკის შესაძლებლობა ექნება” – გიორგი გახარია

პარტია ,,საქართველოსთვის” თავმჯდომარე, გიორგი გახარია მოსახლეობას მიმართავს და განმარტებებს აკეთებს იმასთან დაკავშირებით, თუ რა რესურსები აქვს გახარიას გუნდს იმისთვის, რომ ქვეყანა განვითარდეს:

,,გპირდებით, რომ იმისთვის, რათა ამ ქვეყანაში იყოს მშვიდობა – ჩვენ ის ხალხი ვართ, ვინც ევროპელებსაც და ამერიკელებსაც დაელაპარაკება და რუსეთთან ლაპარაკის შესაძლებლობა ექნება. ოღონდ ისე კი არა, ესენი ბოდიშის მოხდით რომ იწყებენ ლაპარაკს, მაშინ როდესაც არაფერი დაგიშავებია, შენ ხარ ოკუპირებული, შენ წაგართვეს ტერიტორიები, შენ მოგიწყვეს ეთნიკური წმენდა და ბოდიშით იწყებ. თან არ ხსნი ბოდიშს ვის უხდი ან რატომ?!

მერე გამოდიხარ და სოხუმის დაცემის დღეს, შენ ქვეყანას აბრალებ ომის დაწყებას.

მერე ამბობ ,,ჩვენ ომი დავიწყეთ და ამიტომ გვიპასუხა რუსეთმაო” – აი ეს არის ღალატი. ეს არის შენი ქვეყნის და შენი ხალხის ღალატი! ჩვენ ის ხალხი ვართ, ვინც ამ ქვეყანაში ერთხელ და სამუდამოდ სამართლიან წესრიგს დაამყარებს!”, – განაცხადა გიორგი გახარიამ.

ავტორი
ნინი ხიჯაკაძე