ცენტრალური საარჩევნო კომისიის წევრი ოპოზიციიდან, ანა კობახიძე საგანგებო ინფორმაციას ავრცელებს და აცხადებს, რომ საოლქო კომისიის წევრებს მისი სახელით ურეკავენ და სხვადასხვა დავალებას აძლევენ.
კობახიძის თქმით, ეს წინასწარ დაგეგმილი პროვოკაციაა:
“სხვადასხვა ნომრიდან რეკავენ საარჩევნო ოლქების “სტრატეგია აღმაშენებლის” წევრებთან და ეუბნებიან, რომ რეკავენ ჩემი დავალებით.
მათ ეუბნებიან, თითქოს მე ვავალებ სხდომაზე ჩხუბის ატეხვას და უმიზეზო ხმაურს. ეს არის სრული სიცრუე და პროვოკაცია!
რა თქმა უნდა, ჩვენი ოლქის წევრები ამას მიხვდნენ და არ წამოეგნენ პროვოკაციას. კიდევ ერთხელ ვიმეორებ, ეს არის პირდაპირი პროვოკაცია ჩვენს მიმართ“, – განაცხადა კობახიძემ.
პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური
