“ქალაქში საკმაოდ პრაქტიკულია მოტოთი გადაადგილება” – ლაშა კვიკვინია

მოტოციკლებით სიარული საქართველოში ნელ-ნელა ფეხს იკიდებს, განსაკუთრებული პოპულარულობა კი ახალგაზრდა მძღოლებში მოიპოვა.

საქართველოში მოტოს აქტუალურობის საკითხთან დაკავშირებით სააგენტო ,,პარალელთან” ინტერვიუს აკეთებს მოტომოყვარული, ლაშა კვიკვინია:

,,მოტოკულტურა დღითი დღე პოპულარული ხდება საქართველოში. ყოველ წელს უფრო და უფრო მეტი ახალი რაიდერი გამოდის თბილისის ქუჩებში.

მოტო მოყვარულების ასაკს რაც შეეხება, ის ყველა ასაკშია პოპულარული, მაგრამ უმეტესწილად, ახალგაზრდებში – დაახლოებით 30 წლამდე.

ქალაქში საკმაოდ პრაქტიკულია მოტოთი გადაადგილება თბილისის მაშტაბით – “ა” პუნქტიდან “ბ” პუნქტამდე მაქსიმუმ 10-20 წუთი დაგჭირდეს, ასევე, ჩვენ არ გვაქვს პარკინგის პრობლემა, რაც ძალიან გვიადვილებს გადაადგილების პროცესს.

მოტოთი გადაადგილება ორჯერ უფრო დიდ ყურადღებას და პასუხისმგებლობას მოითხოვს, რადგან საქართველოში ავტომობილების მძღოლები ჯერ არ არიან მიჩვეული ორბორბლიან ტრანსპორთან კონტაქტს, მაგრამ ეს ბოლო წლები უფრო და უფრო ეჩვევიან – გზასაც უთმობენ და მოძრაობის სრულფასოვან წევრად აღიქვამენ”, – განაცხადა ლაშა კვიკვინიამ.

ავტორი
ნინი ხიჯაკაძე