“მონებს არ მოექცევიან ასე, ჩვენ რომ გვექცევიან” – გივი ჭიღლაძე

ემიგრაცია წასული საქართველოს მოქალაქე, გივი ჭიღლაძე სააგენტო ,,პარალელთან” ინტერვიუში საუბრობს ემიგრაციაში წასვლის მიზეზებთან დაკავშირებით:

• რამდენი ხანია ემიგრაციაში ხართ?

– ემიგრაციაში ვარ წელიწადი და 4 თვეა.

• მიზეზი რა არის თქვენი ემიგრაციაში წასვლის?

– მიზეზი არის ის, რაც ყველა ქართველისთვის – უფულობა, უმუშევრობა, უსახსრობა…

• თუ აპირებთ საქართველოში დაბრუნებას?

– საქართველოში ვაპირებ დაბრუნებას – სტუმრად თუ ჩავალ და ჩამოვალ, სანამ ის ცხოვრება იქნება, რაც არის. ყოველ შემთხვევაში, ცოლ-შვილს ვნახავ და წამოვალ.

• რას ელოდებით თქვენი ქვეყნისგან?

ვეცდები ასე ვიწვალო და ვიწვალო… ალბათ, ჩემი შემდეგი თაობა მოესწრება, რომ უკეთესი მთავრობა მოვა, უკეთესი ხალხი მოვა. ალბათ, იქნება ყველაფერი კარგად.

• როგორია თქვენი 1 დღე ემიგრაციაში?

მთელ თვეში 2 გამოსვლა [დასვენების დღე] მაქვს. მონებს არ მოექცევიან ასე, ჩვენ რომ გვექცევიან. არა საჭმელი, არა კონდიციონერი, არა გათბობა.

2-ჯერ მეოთხე სართულიდან ლამის გადმოვხტი. ეს ყველაფერი ძალიან რთულია. აქ რასაც იტანენ, მე არავინ ვარ მათთან შედარებით. მე წელიწადი და 4 თვეა აქ ვარ, მაგრამ აქ რასაც იტანენ ქართველები, ეს არის სასწაული.

ავტორი
ნინი ხიჯაკაძე