“ეს ზუსტად ის ხალხია, რომლებიც თვეების განმავლობაში რუსული რეჟიმის წინააღმდეგ იბრძოდნენ რუსთავლზე”, – ამის შესახებ “ერთიანობის” წევრმა და “სტრატეგია აღმაშენებლის” ახალგაზრდული ორგანიზაციის თავმჯდომარემ ლაშა დიაროვმა განაცხადა.
დიაროვის თქმით დღის ბოლოს “ერთიანობის ბანაკის” მონაწილეებიდან “დებატების ჩემპიონატის” გამარჯვებულები გამოვლინდებიან, რომლებიც სხვადასხვა პრიზით დაჯილდოვდებიან:
“რამდენიმე თვეა, რაც გვაქვს დებატების ჩემპიონატი, სადაც ასობით ახალგაზრდამ მიიღო მონაწილეობა. აქ ვმართავთ დასკვნით ნაწილს, ფინალურ ეტაპს, სადაც გამოვლინდებიან გამარჯვებულები და დავაჯილდოვებთ.
ამ ახალგაზრდების მოტივაცია არის ერთიანობა, ამ ახალგაზრდების მოტივაცია არის გამარჯვება, წინსვლა. ეს ზუსტად ის ხალხია, რომლებიც თვეების განმავლობაში რუსული რეჟიმის წინააღმდეგ იბრძოდნენ რუსთავლზე. ამ ხალხთან ერთად აუცილებლად შევცვლით რუსულ რეჟიმს”, – განაცხადა დიაროვმა.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
