ქუთაისში “ქართუ ბანკის” წინ შეკრებილ „პოსტერუმ ქუთაისის” წევრებსა და მერიის ზედამხედველობის სამსახურს შორის დაპირისპირება მოხდა. “პოსტერუმის” წევრებს “ქართული ოცნების” მიერ დაანონსებულ და ჩავარდნილ პროექტებთან დაკავშირებით კლიპის “საქართველო ერთ ჯიბეში” – ჩვენება სურდათ, რისი უფლებაც მერიის ზედამხედველობის სამსახურმა არ მისცა.
აქციის მონაწილეების განცხადებით, მერიის წარმომადგენლებმა ვერ დაასახელეს, კანონის რომელი მუხლით ეკრძალებოდათ მათ ვიდეორგოლის ჩვენება.
“ბიძინა ივანიშვილს უნდა, რომ ეს ქვეყანა ჯიბეში წაიღოს. მან ქუთაისს წაართვა პარლამენტი და საარსებო წყარო. ის ახალგაზრდებს გვეუბნება, რომ ქვეყნიდან წადით.
არ დავუშვებთ, რომ ერთ კაცს მთელი ქვეყანა გადაჰყვეს.
გვინდოდა, გვეჩვენებინა ივანიშვილის მავნებლური ქმედებების ამსახველი კლიპი, რისი საშუალებაც არ მოგვცეს.
ივანიშვილი ცენზურას აწესებს,” – ამბობს “პოსტერუმ ქუთაისის” ორგანიზაციის წევრი ზურაბ კოსტავა.
ადგილზე მობილიზებული იყვნენ სამართალდამცავები.
ავტორი
ლიკა დევდარიანი
სააგენტო “პარალელის”
რეგიონალური კორესპონდენტი
