საქართველოს პარლამენტის თავმჯდომარის პირველი მოადგილე, გიორგი ვოლსკი ჟურნალისტებთან კომენტარს აკეთებს ტვ ,,პირველის” ოპერატორის, ლექსო ლაშქარავას საქმესთან დაკავშირებით და კონკრეტული განმარტებებით ჟურნალისტებს მიმართავს:
,,ადამიანები, რომლებიც ამ საკითხებთან მიმართებაში აგრესიულ განცხადებებს აკეთებდნენ, ეს იმას არ ნიშნავს, რომ მეორე ადამიანების ჯგუფმა დანაშაული უნდა ჩაიდინოს.
დაისაჯნენ, განსხვავებით თქვენი [,,ნაციონალური მოძრაობის”] ხელისუფლების მიერ ჩადენილი ადამიანების მკვლელობებისგან, დაისაჯნენ ის ადამიანები, ვინც იძალადა.
უამრავი ადამიანი პასუხისგებაში მიეცა და ვერ მოისვენეთ მაინც, ესეც კი არ გსიამოვნებთ, რომ ვიღაცა პასუხისგებაში მიეცა.
ლექსო ლაშქარავას ბედი არც არავის არ გაღელვებთ და რომ გარდაიცვალა, გიხარიათ პირიქით, რომ საშუალებას გაძლევთ…
მე ჩემი თვალით ვნახე შენი კოლეგები, ჟურნალისტები იდგნენ და ლექსო ლაშქარავას სურათებს ინიავებდნენ”, – განაცხადა გიორგი ვოლსკიმ
შეგახსენებთ, რომ ლექსო ლაშქარავა 2021 წლის 5 ივლისის საპროტესტო აქციაზე ჟურნალისტური საქმიანობის შესრულების დროს სასტიკად სცემეს ,,თბილისი პრაიდის’’ მოწინააღმდეგეებმა, ,,სირცხვილიას“ ოფისში შეჭრის დროს, რის გამოც ოპერატორი სხეულის მძიმე დაზიანებებით გადაიყვანეს საავადმყოფოში.
ტელეკომპანია ,,პირველის“ ოპერატორი, ლექსო ლაშქარავა 11 ივლისს, დილით მშობლებლებმა საკუთარ სახლში გადაცვლილი იპოვეს.
ავტორი
ნინი ხიჯაკაძე
