,,ერთიანი ნაციონალური მოძრაობის” ახალგაზრდული ორგანიზაციის წევრი საბა ბირკაია სააგენტო ,,პარალელთან” კომენტარს აკეთებს 28 მაისის საპროტესტო აქციასთან და ახალგაზრდების სასამართლო პროცესებთან დაბარების შესახებ:
-
27-28 მაისს ვეტოს დაძლევის საკითხთან დაკავშირებით კომიტეტის სხდომა და პარლამენტის სესიაა, რა გეგმები გაქვთ ახალგაზრდებს ამასთან დაკავშირებით?
– ისევე როგორც მთელი 2 თვის განმავლობაში, 27-28 მაისსაც ჩვეულებრივ იქნება აქციები პარლამენტის მიმდებარე ტერიტორიაზე და ვიქნებით მანამ, სანამ რუსული კანონი და რუსული რეჟიმი არ დასრულდება. ჩვენ ახალგაზრდები არ ვაპირებთ დანებებას და შეგუებას. ბრძოლა იქნება ბოლომდე, მანამ სანამ რუსული რეჟიმი არ დასრულდება. ჩვენი არჩევანი არის ევროპა და საქართველო აუცილებლად იქნება ევროკავშირის წევრი ქვეყანა.
-
ბოლო დღეების განმავლობაში მასიურად ხდება საპროტესტო აქციების მონაწილეთა დაბარება სამართალდამცავ ორგანოებში და ასევე მიმდინარეობს მათი სასამართლო პროცესები, როგორ ფიქრობთ რა მიზანს ემსახურება ყოველივე ეს?
– დიახ, ყოველივე ეს ემსახურება ჩვენი ქართველი ახალგაზრდების დაშინებას და თავისუფალი სიტყვის შეზღუდვას, მაგრამ მკაფიოდ ჩანს ახალგაზრდების ბრძოლისუნარიანობა. ქართველი ახალგაზრდობა არასდროს შეეგუება რუსულ რეჟიმს და ყოველთვის ბოლომდე იბრძოლებს ქვეყნის ევროპული მომავლისთვის. საქართველო არასდროს გახდება რუსეთი და სასამართლოში დაბარებით ვერასდროს შეაშინებენ ახალგაზრდობას.
ავტორი
მარიამ ხაჩირაშვილი
