ოკუპანტების მიერ საქართველოს მოქალაქის, რამაზ ბეღელურის გატაცების ფაქტს, სოციალურ ქსელში, მწვავე შეფასებებით გამოეხმაურა საქართველოს პრეზიდენტი სალომე ზურაბიშვილი:
“ეგრეთ წოდებული ერთმორწმუნე და ვითომცდა ღირებულებების დამცველი! არც აღდგომა იციან, არც საფლავი, არც ოჯახი და საერთოდ სამშობლო ხომ არ იციან, და არ იციან – არც მისი ნამდვილი საზღვრები და არც გარჩევა საკუთარი და მეზობლის მიწებს შორის…
და ამ ყველაფრის მიუხედავად, ვიღაცეები მეგობრებსა და მტერს შორის რაღაც უღირს ტოლობის ნიშანს სვამენ!“, – წერს სალომე ზურაბიშვილი ფეისბუქის პირად გვერდზე.
ინფორმაციისთვის: გუგუტიანთკარში მცხოვრები რამაზ ბეღელური ოკუპანტებმა იმ დროს დააკავეს, როდესაც საოკუპაციო ხაზთან ახლოს მდებარე სასაფლაოზე გარდაცვლილი ძმის საფლავს აწესრიგებდა.
