ოპოზიციონერი პოლიტიკოსი გიგი უგულავა სააგენტო ,,პარალელთან’’ ინტერვიუში შეფასებას ახდენს საპარლამენტო უმრავლესობის მიერ პირველი მოსმენით მიღებულ ,,უცხოური გავლენის გამჭვირვალობის შესახებ” კანონპროექტთან დაკავშირებით:
- საპარლამენტო უმრავლესობის მიერ პირველი მოსმენით კანონპროექტის მიღების შემდეგ რამდენადაა მოსალოდნელი იგივე სცენარი განმეორდეს, რაც შარშან მარტში?
– იცით რა არის? მარჩიელობა არის ყველაზე უმადური საქმე, მარჩიელობას მე არ დავიწყებ – მე ვიცი ერთი რაღაც, ვინც დაანთებს ცეცხლს, რომელიც ქვეყნად ისახავს ქვეყნის გადაწვას, და ეს ცეცხლი დაანთო ივანიშვილმა, ის ამ ცეცხლში დაიწვება.
არავითარი, ამაზონის ტყეებისთვის გადარიცხული მილიონები, არ უშველის, როცა შენ ქვეყანას წვავ – ეს ყველაფერი არის ფარისევლობა.
ივანიშვილი ქვეყანას წვავს, უნდა რომ აქედან გაგვყაროს და თავის ფულის საცავად და რეზერვუარად აქციოს. ან დათანხმდებით რუსობას ან მოგიწევთ ქვეყნის დატოვება.
იმიტომ, რომ რასაც აკეთებთ თავისუფალი პრესა, უნდა რომ შუბლზე დააწეროს, აი თქვენ ახლა ხო გადაცემთ, თქვენი სახელია მარიამ ხაჩირაშვილი ხო – თქვენ იძულებული იქნებით დააწეროთ მარიამ ხაჩირაშვილი უცხო ქვეყნის აგენტი და მერე ის ინფორმაცია გადასცეთ.
ამიტომ ჩემი პასუხია – ბებიამისს დააწეროს შუბლზე რუსის აგენტი იმიტომ, რომ რუსის აგენტები არიან მართლა.
ავტორი
მარიამ ხაჩირაშვილი
