“ლაზარე სინამდვილეში არის “ქართული ოცნების” მიერ წარმოებული ბინძური პროპაგანდის მსხვერპლი და არა 7-8 მარტის მოვლენების დამნაშავე – ის არის 7-8 მარტის მოვლენების გმირი” – იგორ ნარმანია

,,ერთიანი ნაციონალური მოძრაობის” ახალგაზრდული ორგანიზაციის ხელმძღვანელი და პარტიის პოლიტსაბჭოს წევრი იგორ ნარმანია, სააგენტო ,,პარალელთან” ინტერვიუში კომენტარს აკეთებს ლაზარე გრიგორიადისთან და ,,უცხოური გავლენის გამჭვირვალობის’’ კანონპროექტის შესახებ:

• 1 წლის წინ ამ კანონის მიღებას მასშტაბური აქციები მოჰყვა, რომლის ერთ-ერთი მონაწილე ლაზარე გრიგორიადისი დაკავებულია, რა შეფასებას მისცემდით ამ ფაქტებს?

– ლაზარე სინამდვილეში არის ,,ქართული ოცნების’’ მიერ წარმოებული ბინძური პროპაგანდის მსხვერპლი და არა 7-8 მარტის მოვლენების დამნაშავე, პირიქით ის არის 7-8 მარტის მოვლენების გმირი და ის სამიზნედ აირჩია ღარიბაშვილმა და ,,ქართული ოცნების’’ რეჟიმმა. ამიტომ ზის დღეს ლაზარე გრიგორიადისი ციხეში და სინამდვილეში არანაირი კავშირი მას ამ ბრალთან არ აქვს.

• ,,ქართულმა ოცნებამ’’ დააინიცირა კანონპროექტი ,,უცხოური გავლენის გამჭვირვალობის შესახებ” ე.წ. ,,აგენტების კანონი’’. რა კომენტარს გააკეთებდით ამის შესახებ:

რა თქმა უნდა, ქართული საზოგადოება უკვე გათვიცნობიერებულია ამ საკითხში და დარწმუნებული ვარ, რომ ქართული საზოგადოება, ქართველი ახალგაზრდები, სტუდენტები, ადამიანები, რომლებიც ღელავენ ამ ქვეყნის ევროპულ მომავალზე, რომლებსაც უნდათ ამ ქვეყანაში ნორმალური ევროპული სტანდარტები, ევროპული ცხოვრება და მათ შორის ევროპული ცვლილებები ხელისუფლების ცვლილების კუთხით, არ დაუშვებენ რუსული კანონის მიღებას.

ავტორი
მარიამ ხაჩირაშვილი