ხვალ პარლამენტის წინ „სირცხვილის კორიდორის“ მოწყობას ვაპირებთ“ – ამის შესახებ „ევროპული საქართველოს” წევრმა, პარლამენტის ვიცესპიკერმა სერგი კაპანაძემ ჟურნალისტებთან საუბრისას განაცხადა.
მისი თქმით, პარლამენტის სხდომების პარალელურად ბოიკოტირების პროცესი გაგრძელდება. როგორც კაპანაძე აღნიშნავს, ისინი ხელისუფლებასთან შეხვედრებში მონაწილეობის მისაღებად მზად არიან, რის შემდეგაც იმედს იტოვებს, რომ საარჩევნო სისტემაზე შეთანხმდებიან.
“ოპოზიცია აპირებს რომ აქციები და მწვავე პროტესტი გააგრძელოს. ეს არის ქვეყანაში არსებული განწყობის გამოვლენა. ჩვენ არ ვაპირებთ რომ გავჩერდეთ, ასევე გაგრძელდება პარლამენტის სხდომების ბოიკოტირების პროცესი. თუმცა, პარალელურად ჩვენ მზად ვართ რომ მონაწილეობა მივიღოთ ხელისუფლებასთან შეხვედრებში, იქნებ შევთანხმდეთ საარჩევნო სისტემაზე.
საარჩევნო სისტემაზე ვერშეთანხმების შემთხვევაში, კიდევ უფრო უარესი შედეგი დადგება ხელისუფლებისთვის მოქმედი საარჩევნო სისტემით, მერე რეალური პრობლემა შეიძლება იყოს ამ არჩევნების ლეგიტიმაცია,” – განაცხადა სერგი კაპანაძემ.
ავტორი
თეო იორდანიშვილი
