პარტია “კანონი და სამართლის” თავმჯდომარე, პარლამენტის დეპუტატი თაკო ჩარკვიანი საქართველოდან ხალხის მასიურად გადინებაზე საუბრობს და ამ პროცესის შესაჩერებლად, ქვეყანაში არსებული რეალობის შესაცვლელად, საპროტესტო აქტივობები მიაჩნია სწორ გადაწყვეტილებად:
“10 ათასი მიდის (დაახლოებით) ქვეყნიდან ყოველ თვე… სამოთხეს ტოვებენ იძულებით, როგორც ჩემმა შვილმა მითხრა ერთხელ, ირმამ – “დე, საქართველო მიდის საქართველოდანო“.
კი ბატონო და აქ შემოედინება, უკვე აუთვლელი რაოდენობით (ოკუპანტი ქვეყნიდან), იქნებ ოკუპანტი ქვეყნის დესანტიც (არავინ იცის, არ კონტროლდება).
სამოთხეს ტოვებს იძულებით, გაჭირვების გამო ხალხი და უცხო ეპატრონება.
ქუჩაში პროტესტი, პროტესტი ყველა კუთხეში, პროტესტი ყველა ქალაქშია საჭირო, თორემ, როგორც მამაჩემი იტყოდა – “მოვა გადამთიელი და უპატრონებს”!!!
ვის ვუტოვებთ ქვეყანას ხალხნო?!“, წერს ფეისბუქის პირად გვერდზე თაკო ჩარკვიანი.
