“მიხეილ სააკაშვილის პერსპექტივები ისეთია, როგორც ჩემი ჩინეთის იმპერატორად კურთხევისა” – ბექა ოდიშარია

პარლამენტის დიასპორისა და კავკასიის საკითხთა კომიტეტის თავმჯდომარე, ბექა ოდიშარია ირონიულ შეფასებას აკეთებს საქართველოს მე-3 პრეზიდენტის, მიხეილ სააკაშვილის პოლიტიკურ გეგმებთან დაკავშირებით, რაზეც სასამართლო პროცესის მიმდინარეობის დროს სიტყვით გამოსვლისას ისაუბრა:

,,მიხეილ სააკაშვილის პერსპექტივები ისეთია, როგორც ჩემი ჩინეთის იმპერატორად კურთხევისა.

ის არა მხოლოდ საზოგადოებას, თავის პარტიასაც არ აინტერესებს.

მიხეილ სააკაშვილი ახლა არის უბრალოდ ადამიანი, რომელიც ცდილობს, ყველა როლი, ნიღაბი მოირგოს, თითქოს ვენეციის მასკარადზე იყოს, რომ იქნებ და რამენაირად თავისუფლებაზე გამოვიდეს, რადგან მან ნახა, ემპირიული გამოცდილება მიიღო იმისა, რომ არც ნიკანორ მელიამ, არც ხაბეიშვილმა – თავმჯდომარედ წოდებულმა, არც არავინ არც ძალისხმევა გაიღო და, თუ გაიღო – ამას არანაირი გამოხმაურება და მხარდაჭერა არ ჰქონდა მის პარტიულ აქტივს შორისაც კი“, – განაცხადა ბექა ოდიშარიამ.

ავტორი
ნინი ხიჯაკაძე