“ადამიანების სიცოცხლე და ჯანმრთელობა არის უპირველესი და უმთავრესი, შესაბამისად, ეს მოთხოვნა, რომ სახელმწიფოს პრიორიტეტი იყოს ჯანმრთელობა არის ლეგიტიმური” – დავით ჩხობაძე

4 თებერვალს, პარლამენტის შენობასთან აქცია გაიმართა, რომელსაც ონკოპაციენტები, მათი ოჯახის წევრები და სოლიდარობის გამოსახატად მხარდამჭერები ესწრებოდნენ. აქციამ მსვლელობით სახელმწიფო კანცელარიის შენობასთან გადაინაცვლა.

აქციის მონაწილეების პროტესტის მიზეზი გახდა ონკოპაციენტებისთვის ლიმიტირებული მკურნალობის ფინანსების გამოყოფა. როგორც თავად აღნიშნავენ, გამოყოფილი დაფინანსება მხოლოდ 2-3 თვის მკურნალობის პერიოდისთვის არის გამოყოფილი.

აქციას ასევე შეუერთდნენ სოფო ჯაფარიძე და სამოქალაქო აქტივისტები:

ამ თემასთან დაკავშირებით, სააგენტო ,,პარალელთან’’ კომენტარს აკეთებს სტუდენტური მოძრაობა ,,ნაბიჯის” დამფუძნებელი დავით ჩხობაძე:

,,დღეს ჩვენ შემოვუერთდით ონკოლოგიური პაციენტების, მათი მხარდამჭერებისა და ოჯახის წევრების აქციას – ეს ადამიანები ითხოვენ ყურადღებას სახელმწიფოს მხრიდან.

ადამიანების სიცოცხლე და ჯანმრთელობა არის უპირველესი და უმთავრესი, შესაბამისად, ეს მოთხოვნა, რომ სახელმწიფოს პრიორიტეტი იყოს ჯანმრთელობა არის ლეგიტიმური და ცხადია, ამ ადამიანებს სახელმწიფომ უნდა მიაქციოს სათანადო ყურადღება.

ამიტომ, მე როგორც ერთი რიგითი მოქალაქე და ახალგაზრდა ვუერთდები ამ აქციას და ვფიქრობ, რომ ამ ადამიანებს სჭირდებათ გვერდში დგომა და საზოგადოების მხარდაჭერა’’, – განაცხადა დავით ჩხობაძემ.

ავტორი
მარიამ ხაჩირაშვილი