ბერლინის 74-ე საერთაშორისო კინოფესტივალის კინობაზრობაზე (EFM) – ,,ბერლინალე 2024″, საქართველოს წარდგენას მრავალრიცხოვანი დელეგაციით, ეხმაურება კინოცენტრის ყოფილი თანამშრომელი, დავით ვაშაძე, რომელიც წლების განმავლობაში კანის კონოფესტივალსა და ბერლინალეზე წარადგენდა საქართველოს.
“მთავარ არხთან” გაკეთებულ კომენტარში ვაშაძე კონკრეტულ შედარებებს ახდენს წინა წლების პრაქტიკასთან და მრავალრიცხოვანი დელეგაციის გამო გაზრდილ ფინანსურ დანახარჯებზე ამახვილებს ყურადღებას:
,,ჩვენი დელეგაცია, წინა წლებში, იყო ხოლმე სადღაც 4-5 ადამიანი, განსაკუთრებულ შემთხვევაში, როცა ვთქვათ, ,,ბერლინალეზე” 4 ფილმი გვქონდა – 6 ადამიანიც წასულა. ამიტომ ძალიან დიდი აღმოჩენა იყო, როდესაც ჩვენ ვნახეთ, რომ კინოცენტრის სახელით ანუ როგორც კინოცენტრის თანამშრომელი, ასე არის ჩაწერილი იქ, რაც ტყუილია, თუნდაც კინო ექსპორტის სპეციალისტი, 32 ადამიანი მიდის…
ანუ ეს, რასთან არის კავშირში? პირველ რიგში, არის უზარმაზარი ხარჯი 450 ევრო არის მარტო აკრედიტაციაში გადახდილი. ეს არის ყველაზე ძვირიანი აკრედიტაცია, ასევე, ამ ხალხის ბილეთები თვითმფრინავის, სადღაც 400-450 ევრო, ასევე დღიური, სასტუმრო.
მე, როგორც დავთვალე, დაახლოებით, 40-50 ათასი ევრო, ლარებში რომ გადმოვიტანოთ, იხარჯება ტყუილად.
აი, მართლა ვერ ვხვდები ეს ხალხი რისთვის მიდის იქ…“, – განაცხადა დავით ვაშაძემ.
ავტორი
მარიამ ხაჩირაშვილი
